Նիկոլ Փաշինյան, կարո՞ղ եք տալ բացատրություն վարորդների բեռը «Yandex»-ը 0%-ից դարձրել է 16,5%, սրա հովանավորը ո՞վ է․ Մեսրոպ Մանուկյան (տեսանյութ)

Երևանի ավագանու «Մայր Հայաստան» խմբակցության անդամ Մեսրոպ Մանուկյանը ֆեյսբուքյան իր էջում տեսանյութեր է հրապարակել և կից գրել․

«Հարցե՛ր, որոնք լուծում են պահանջում․․․

ՀՀ-ում կա գրանցված շուրջ 120 000 օնլայն տաքսի ծառայությունների վարորդներ, որոնցից առնվազն 40 000 վարորդ օրական 10 ժամ աշխատում են և ամենակարևոր վճարում են ՀԱՐԿԵՐ։

Այսպիսով մեր վարորդները իրենց աշխատածից նվազագույնը 16,5 % վճարում են «Yandex» ( իրականում գումարն ավելի շատ է), 1,8-4% վճարում են «տաքսոպարկեր»-ին և ևս 4-5 % պետությանը հարկ։

Բնականաբար, վճարած գումարներից հարկեր գեներացվում է նաև «Yandex»-ից և «տաքսոպարկեր»-ից և վճարված հարկերը իմ գնահատմամբ կազմում է շուրջ 12 %:

Արդյունքում վարորդները վճարում են հարկեր, բայց չեն հանդիսանում գրանված աշխատող և հետագայում բարձր թոշակ չեն ստանալու, ներկայումս չեն հանդիսանում Առողջության Համընդհանուր Ապահովագրության շահառու, այսինքն անվճար բուժօգնություն չեն ստանում։

Հիմա հարցեր Նիկոլ Փաշինյանին շարքից.

Նիկոլ Փաշինյան, չե՞ք կարծում, որ

1. Չեք կարծում, որ նման կերպ «քերել» մեր ժողովրդին ու դիմացը ոչինչ չտալ արդար չի

2. Չե՞ք կարծում, որ պետք է վերանայվի «Yandex»-ի անարդար տոկոսադրույքը

3. Չե՞ք կարծում, որ հարկ վճարողը պետք է օգտվի Առողջության Համընդհանուր Ապահովագրության հիմնադրամից Նիկոլ Փաշինյան, կարո՞ղ եք տալ բացատրություն վարորդների բեռը «Yandex»-ը 0%-ից դարձրել է 16,5% սրա հովանավորը ո՞վ է․․․

Օնլայն վարորդների իրավունքները պե՛տք է վերականգնվի և պե՛տք է պաշտպանված լինի․․․»։