Մեկ օրում բացահայտնվել է հանցագործության 178 դեպք. Գրանցվել է 10 ավտովթար, վիրավորվել է 13 մարդ

Ըստ ոստիկանության օպերատիվ հաղորդագրությունների ամփոփագրերի՝ փետրվարի 17-18-ը բացահայտվել է 178 հանցագործություն, որոնցից 6-ը՝ նախկինում կատարված:

Մասնավորապես՝

76 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,

19 դեպք՝ թմրանյութի հայտնաբերման,

12 դեպք՝ խարդախության,

9 դեպք՝ հոգեկան ներգործության,

8-ական դեպք՝ փաստաթուղթ կեղծելու, սառը զենքի հայտնաբերման,

6 դեպք՝ ֆիզիկական ներգործության,

4-ական դեպք՝ խուլիգանության, թմրանյութի իրացման,

3-ական դեպք՝ անձնական ունեցվածքի գողության, համակարգչային հափշտակության, զենք-զինամթերքի առգրավման,

2-ական դեպք՝ մարմնական վնասվածք պատճառելու, գույքը ոչնչացնելու կամ վնասելու։

Բացահայտվել են բնակարանային գողության, ապօրինի ձեռնարկատիրական գործունեության, դրամանենգության, կենդանիների նկատմամբ դաժան վերաբերմունքի, կաշառք տալու կամ ստանալու, ծառերը, թփերը ապօրինի հատելու, աշխատանքի պաշտպանության կամ անվտանգության կանոնները խախտելու, հետամտելու, ապօրինի միացում կատարելու, ֆինանսական բուրգ ստեղծելու, անհետաձգելի միջամտության որոշումը չկատարելու և այլ դեպքեր։
Նախկինում կատարված հանցագործություններից բացահայտվել են՝

5 դեպք՝ անձնական ունեցվածքի գողության,

1 դեպք՝ անձի տիրապետությունից դուրս եկած գույքին տիրանալու։

Հայտնաբերվել է 10 հետախուզվող։

Հայտնաբերվել է 1 անհայտ կորած։

Գրանցվել է զենք-զինամթերք կամավոր հանձնելու 3 դեպք։

Անցած 1 օրում գրանցվել է 10 ավտովթար․ 13 մարդ ստացել է տարբեր աստիճանի մարմնական վնասվածքներ։