Քրեական ոստիկանության ծառայողները հետախուզման մեջ գտնվող անձանց են հայտնաբերել
Քրեական ոստիկանության Երևան քաղաքի վարչության անձի հետախուզման բաժնի և Սյունիքի մարզային վարչության ծառայողները համատեղ ձեռնարկած օպերատիվ-հետախուզական միջոցառումների արդյունքում փետրվարի 13-ին Կապան քաղաքի Շինարարների փողոցի շենքերից մեկում հայտնաբերել և Երևան քաղաքի վարչություն են տեղափոխել 28-ամյա մի երիտասարդի: Նա 2025 թ․ դեկտեմբերի 26-ից հետախուզվում էր սպանության փորձի և զենք-զինամթերքի ապօրինի շրջանառության մեղադրանքով. խափանման միջոցը՝ կալանք։ Երևանի բնակիչ 28-ամյա երիտասարդը ներկայացվել է նախաքննական մարմին:
Քրեական ոստիկանության Երևան քաղաքի վարչության անձի հետախուզման բաժնի ծառայողները, համագործակցելով Սյունիքի մարզային վարչության գործընկերների հետ, փետրվարի 13-ին Կապան քաղաքի Շինարարների փողոցի շենքերից մեկում հայտնաբերել և Երևան քաղաքի վարչություն են տեղափոխել 27-ամյա մի երիտասարդի, որը 2025 թ․ դեկտեմբերի 26-ից հետախուզվում էր սպանության փորձի մեղադրանքով. խափանման միջոցը՝ կալանք։ Նա ներկայացվել է նախաքննական մարմին:
Քրեական ոստիկանության Կոտայքի մարզային վարչության ծառայողները ձեռնարկած օպերատիվ-հետախուզական միջոցառումների արդյունքում փետրվարի 13-ին Երևան քաղաքի Դանիել Վարուժան թաղամասի շենքերից մեկի բակում հայտնաբերել, ձերբակալել և մարզային վարչություն են տեղափոխել 23-ամյա մի երիտասարդի, որը հետախուզվում էր խուլիգանության մեղադրանքով. խափանման միջոցը՝ կալանք։ Նա ներկայացվել է նախաքննական մարմին:
Քրեական ոստիկանության Կոտայքի մարզային վարչության ծառայողները ձեռնարկած օպերատիվ-հետախուզական միջոցառումների արդյունքում փետրվարի 13-ին Բյուրեղավան քաղաքում հայտնաբերել, ձերբակալել և վարչություն են տեղափոխել Աբովյան քաղաքի բնակիչ 44-ամյա մի տղամարդու: Նա Համայնքային ոստիկանության Կոտայքի բաժնի կողմից հետախուզվում էր անձի տիրապետությունից դուրս եկած գույքին տիրանալու մեղադրանքով. խափանման միջոցը՝ կալանք։
Համայնքային ոստիկանության Աշտարակի բաժնի ծառայողների ձեռնարկած օպերատիվ-հետախուզական միջոցառումների արդյունքում Աշտարակ քաղաքի Տիգրանավան թաղամասում հայտնաբերվել, ձերբակալվել և բաժին է տեղափոխվել 69-ամյա մի տղամարդ: Նա հունվարի 23-ից Համայնքային ոստիկանության Նաիրիի բաժնի կողմից հետախուզվում էր սուտ մատնության մեղադրանքով. խափանման միջոցը` կալանք:
Անչափահասի հնարավոր սեռական շահագործման գործով մեկ անձի նկատմամբ հարուցվել է հանրային քրեական հետապն...
«Արդարությունը հիվանդանում է, բայց չի մահանում». Ծառուկյանը՝ Փաշինյանի այսօրվա հայտարարության մասին ...
Կինոն սկսել է, բայց հանկարծ հույս չունենաք, որ դուք դիտորդ եք լինելու. Արթուր Դանիելյան
Ինչու էս ամառվա շոգին Աննա Հակոբյանը վդռուգ սկսեց շրջանառել կանանց ընտանեկան բռնությունների հարցը. փ...
Ովքե՞ր են Պուշկինի փողոցի «պատահական անցորդները». ինչպե՞ս են վարչապետի դուստրը, թաղապետը, շոուբիզնես...
Իմ մահվան մասին լուրերը չափազանցված են. Արայիկ Հարությունյան
Նիկոլ Փաշինյանը նոր մամուլի խոսնակ ունի
ՔՊ-ական լինելը որևէ մեկին առավելություն չի տալիս. Փաշինյանը՝ Կոնջորյանի եղբոր մասնակցությամբ միջադե...
Պարզվել է Կիևյան կամրջի տակ հայտնաբերված մահացած երիտասարդի ինքնությունը․ նա Երևանում գործող հայտնի ...
Այո, ես եմ ընտրվել. Լուսինե Բադալյանը ընտրվել է առողջապահական հանձնաժողովի նախագահի թեկնածու (տեսանյ...
