Մարդը տեսնում ա՝ ծանոթով ու քավոր/բարեկամ են պաշտոնի դնում, տենց ա աշխատում սիստեմը, որոշել ա, որ իր աղջկա համար բարեխոսի «բարի թագավորի» մոտ․ թե՞ սաղիդ կարելի ա, իր աղջկան՝ չէ. օգտատեր

Ֆեյսբուքյան օգտատեր Գոռ Մադոյանն անդրադարձել է Նիկոլ Փաշինյանի և իջևանցու երկխոսությանը, որտեղ քաղաքացին խնդրել է իր աղջկան նշանակել մանկապարտեզի տնօրեն։

NEWSPRESS.am-ը մեջբերում է գրառումն ամբողջությամբ․

«Մի հորոխպեր Փաշինյանին ասում ա,

-մարզպետն իրա ծանոթին՝ Լեննականից, ուզում ա մանկապարտեզի տնօրեն դնի, իրանց «տան երեխան» ա, կլինի թագավոր ջան, աղջկաս նշանակեք, 13 տարի ա աշխատում ա մանկապարտեզ, կոլեկտիվն էլ իրան սիրում ա։

Փաշինյանը թե բա՝ դա ինչ հարց ա եկել ինձ ես ասում, ոնց կորոշեն ՏԻՄ իշխանությունները բան, դա իմ գործը չի։ Հետո էլ թե հրամայում եմ հենց իրա աղջկան չընտրել տնօրեն։

Մարդը տեսնում ա, որ ծանոթով են մանկապարտեզի տնօրեն դնում, պաշտոնի դնում, հենց մարզպետը Փաշինյանի քավոր/բարեկամն ա, այսինքն տենց ա աշխատում սիստեմը։ Որոշել ա որ դե եթե ծանոթով ա, ինքն էլ իր աղջկա համար բարեխոսի «բարի թագավորի» մոտ։ Նույնիսկ փաստարկ ունի, ասում ա աղջիկս համ կոլեկտիվից ա, համ սիրում են, համ էլ տեղական ա, «դրսից» չի։

Փաշինյանն էլ իրեն հատուկ դերասանական ոճով ներկայացում ա անում, թե բա օրենք, իրավունք, տեղական իշխանություն, չի կարելի ծանոթ խծբ, դա իմ հարցը չի։ Մարդը տեսնում ա ոնց ա աշխատում սիստեմը, ուղղակի որ «դիվանագիտական» նրբություններին ծանոթ չի, պարզ ու շիտակ, միամիտ մարդ, բաց֊բաց եկել ասում ա դե ես էլ աղջկաս համար ասեմ, մեր գյուղում քեզ լավ ձեն ենք տվել ու կտանք։ Փաշինյանն էլ գոռգռում ա վրեն, թե բա սենց ոնց կլինի, մենք «օրենքով», դու սենց «ապօրինի»։

Էդ մարդն էլ որ լավ ինֆորմացված չի, նորմալ բազմակողմանի լրահոսին չի հետևում, չի կարում ասի այ թագավոր Փաշինյան, այ հայու օջախի հայր, բա որ աղջկաս չի կարելի, բա կինդ ոնց ա հիմնադրամի տնօրեն, նախարարներիդ կանայք ոնց են հիմնադրամների տնօրեններ ու փոխտնօրեններ, բա ֆրակցիայիդ ոնց են մարդու ու կնիկ պատգամավոր, բա խորհրդականներիդ ախպերներն ու երեխեքը ինչի են պաշտոնի, բա մտերիմ պաշտոնյաներիդ երեխեքը ոնց են ԱԳՆ տեղավորվել, բա ֆրակցիայիդ ղեկավարի կինը ոնց ա դառել փոստի տնօրեն, թե սաղիդ կարելի ա, աղջկաս՝ չէ»։