Թորոսյանի «մեգանախարարության» նախագիծը իշխանության սեղանին. «Ժողովուրդ»
«Ժողովուրդ» օրաթերթը գրում է. ««Ժողովուրդ» օրաթերթի իշխանական աղբյուրների փոխանցմամբ՝ իշխանության ներսում ակտիվ քննարկվում է առողջապահության և սոցիալական ոլորտների կառավարման նոր մոդելի ներդրումը, որի շրջանակում պետք է միավորվեն Առողջապահության և Աշխատանքի ու սոցիալական հարցերի նախարարությունները։
Կառավարությունից «Ժողովուրդ» օրաթերթին հասած տեղեկություններով՝ այդ նախաձեռնության հիմնական շահառուներից մեկը Աշխատանքի և սոցիալական հարցերի նախարար, առողջապահության նախկին նախարար Արսեն Թորոսյանն է, որը ակտիվ աշխատում է, որպեսզի ընտրություններից հետո ձևավորվելիք կառավարությունում հենց ինքը զբաղեցնի միավորված գերատեսչության ղեկավարի պաշտոնը։
Ըստ «Ժողովուրդ» օրաթերթի աղբյուրների՝ քննարկվող նախագծի վրա աշխատանքները արդեն բավական առաջ են գնացել և մտնում են վերջնական փուլ։ Նախագծի հեղինակները պնդում են, որ սոցիալական քաղաքականությունն ու առողջապահությունը պետք է կառավարվեն մեկ կենտրոնից՝ համակարգը «ամբողջությամբ վերափոխելու» նպատակով։ Սակայն կառավարության ներսում այս գաղափարը միանշանակ չի ընդունվում։
Իշխանության ներսում արդեն նկատվում են դժգոհություններ Թորոսյանի ակտիվությունից և նախաձեռնությունների ձևից։ Կառավարության ներսից «Ժողովուրդ» օրաթերթին փոխանցում են, որ որոշ պաշտոնյաներ այդ գործընթացը բնութագրում են որպես Թորոսյանի հերթական փորձ՝ վերահսկել առավել մեծ ոլորտ։
Ու եթե այս սցենարը կյանքի կոչվի, ապա ներկայիս առողջապահության նախարար Անահիտ Ավանեսյանը կհեռանա պաշտոնից, նրան այլ պաշտոն կառաջարկվի։ Իսկ նրա տեղակալ Լենա Նանուշյանը կմնա համակարգում, քանի որ Թորոսյանի մտերիմն է։
Հիշեցնենք, որ Արսեն Թորոսյանը առողջապահության նախարարի պաշտոնը զբաղեցրել է 2018-2021 թվականներին՝ հենց այն ժամանակահատվածում, երբ Հայաստանը, ինչպես ողջ աշխարհը, բախվեց COVID-19ի համավարակին։ COVID-19-ի ծանր հետևանքների և մահացության բարձր ցուցանիշների ֆոնին հանրային դաշտում նրա գործունեությունը հաճախ խիստ քննադատության էր ենթարկվում, և քաղաքական ընդդիմախոսները նրան անգամ «մահվան նախարար» էին անվանում։
Բացի այդ, կորոնավիրուսի ժամանակաշրջանի որոշ պետական գնումների և որոշումների վերաբերյալ հարուցված քրեական գործերի մի մասը դեռևս քննվում է իրավապահ մարմիններում։ Տարբեր դրվագներով գործեր կան թե՛ դատարանում, թե՛ նախաքննության փուլում՝ Հակակոռուպցիոն կոմիտեում, որոնք առնչվում են Արսեն Թորոսյանին և իր ընկերներին։ Բայց Արսեն Թորոսյանի կարգավիճակը մեղադրյալ չի դառնում»։
Մանրամասները՝ «Ժողովուրդ» օրաթերթի այսօրվա համարում:
Անչափահասի հնարավոր սեռական շահագործման գործով մեկ անձի նկատմամբ հարուցվել է հանրային քրեական հետապն...
«Արդարությունը հիվանդանում է, բայց չի մահանում». Ծառուկյանը՝ Փաշինյանի այսօրվա հայտարարության մասին ...
Կինոն սկսել է, բայց հանկարծ հույս չունենաք, որ դուք դիտորդ եք լինելու. Արթուր Դանիելյան
Ինչու էս ամառվա շոգին Աննա Հակոբյանը վդռուգ սկսեց շրջանառել կանանց ընտանեկան բռնությունների հարցը. փ...
Ովքե՞ր են Պուշկինի փողոցի «պատահական անցորդները». ինչպե՞ս են վարչապետի դուստրը, թաղապետը, շոուբիզնես...
Իմ մահվան մասին լուրերը չափազանցված են. Արայիկ Հարությունյան
Նիկոլ Փաշինյանը նոր մամուլի խոսնակ ունի
ՔՊ-ական լինելը որևէ մեկին առավելություն չի տալիս. Փաշինյանը՝ Կոնջորյանի եղբոր մասնակցությամբ միջադե...
Պարզվել է Կիևյան կամրջի տակ հայտնաբերված մահացած երիտասարդի ինքնությունը․ նա Երևանում գործող հայտնի ...
Այո, ես եմ ընտրվել. Լուսինե Բադալյանը ընտրվել է առողջապահական հանձնաժողովի նախագահի թեկնածու (տեսանյ...
