Պարզ կամընտրության պարագայում Նիկոլն ընտրվելու շանս չունի․ Ֆարմանյան
ԱԺ նախկին պատգամավոր Սամվել Ֆարմանյանը գրում է․
«Քանի չի եկել հունիսի 8-ը…
1.) Ժողովրդի 70-80 տոկոսն ատում կամ նվազագույնն անհաշտ է Նիկոլի հետ: Ուզում է իշխանափոխություն: Սա ակնհայտ է:
2.) Այս պահին դեռ չկա քաղաքական ուժ կամ առաջնորդ, որի հետևից այդ նույն 70-80 տոկոսը կգնար ու իր քվեարկությամբ Նիկոլին կհեռացներ իշխանությունից: Սա ևս ակնհայտ է:
3.) Այդ նույն 70-80 տոկոսը, 2021-2026 թթ. տիտղոսային ընդդիմության այդքան ձախողումներից ու խաբեությունից հետո անգամ, մեկ պահանջ ունի՝ ընդդիմությու՛ն, միավորվեք, թող ընտրությունը դառնա սև կամ սպիտակ: Կա՛մ միավորված ընդդիմություն կա՛մ Նիկոլ: Պարզ կամընտրության պարագայում Նիկոլն ընտրվելու շանս չունի: Ոչ էլ կեղծելու՝ չի մարսի:
4.) Սամվել Կարապետյանն այս պահին ընդդիմության ամենամեծ վարկանիշն ունեցող առաջնորդն է, և որքանով ես եմ տեղյակ, ընդդիմադիր գրեթե բոլոր ազդեցիկ շրջանակները համաձայն էին, որ այդ համախմբումը լիներ հենց Սամվել Կարապետյանի շուրջ: Ինչպես 2021 թ., ընդդիմության համախմբումն այս անգամ ևս ձախողեց Ռոբերտ Քոչարյանն, ով առաջ վազելով, հայտարարեց, որ մասնակցելու է առանձին՝ «Հայաստան» դաշինքով: Ինչպես 2021 թ., երբ հայտարարեց, որ միայնակ է «կռելու»:
5.) Որքան էլ գնալով ավելի վախվորած ու առանց ուղիղ անուններ տալու, Քոչարյանը, այդուհանդերձ, աչքով-ունքով դեռ հասկացնում է, որ ԱԺ ընտրություններում այս անգամ ոչ թե միայնակ է «կռելու», այլ այս անգամ «Գյումրի -2» են անելու: Այսինքն, ինքը՝ «Հայաատան» դաշինքը, Սամվել Կարապետյանն ու Գագիկ Ծառուկյանն առանձին-առանձին անցնելու են խորհրդարան, հետո կոալիցիա կազմեն ու այլ վարչապետ ընտրեն: Այդ կերպ հեռացնեն Նիկոլին:
Քանի որ կշեռքի նժարին առանց չափազանցության Հայատանի ու մեր բոլորիս ճակատագիրն է, մեր պետության լինելիության հարցը, ուղիղ ասում եմ՝ քուա՛նշ, խաբում է: Նորից խաբում է:
Խաբում է, որ էլի օգնի իր ծննդավայր Ղարաբաղի գերեզմանափորին վերարտադրվել: Ոնց 2021 թ. արեց:
Հ.Գ. ՀՅԴ-ի մասով երեկվա իմ գրառման մի արձագանքի անդրադառնամ: Ես այնքան մեծամիտ չեմ, Էդի՛կ, որ ինձ թույլ տամ «ցուցում տալ», «սովորեցնել», «դաս տալ» որևէ մեկին կամ կուսակցության, առավել ևս ՀՅԴ-ին, թե ինչպես պայքարել կամ մասնակցել ԱԺ ընտրություններին: Ես պարզապես շատ մտահոգ եմ: Մտահոգ այնքան, որ գերադասում եմ չլռել:
Ճիշտ ես, դուք իմ «ցուցումի» կամ «խորհրդի» կարիքն էլ չունեք: Առանց դրա էլ դուք բարեհաջող կոլաիցիա կազմեցիք մեր պատմության ամենատոքսիկ ու ամենախայտառակ գերեզմանափորի հետ, երբ իմ ընկերներն ու հարազատները դարի կոռուպցիոներն էին հռչակվել ձեր մաս կազմած կառավարության կողմից: Հիմա էլ, նրա թայ Քոչարյանին փաթաթված, գնում եք քաղաքական ինքնասպանության: Քեռու ու ..….. մասով՝ լռեմ: Ուշադիր, որ նայես կտեսնես, թե ում է …… պատմությունն ու դաժանորեն իր գիրկը տանում: Բոլորիս էլ հետը: Ցավոք»:
