Առողջության ապահովագրությամբ և օֆերտայի սկզբունքով պացիենտներին ամբողջովին անվճար տրամադրում է 12 անուն հակացնցումային դեղ. ԱՆ
Առողջապահության նախարարությունը 2026 թվականին առողջության ապահովագրությամբ և օֆերտայի սկզբունքով պացիենտներին ամբողջովին անվճար տրամադրում է 12 անուն հակացնցումային դեղեր:
Այս մասին հայտնում են ՀՀ առողջապահության նախարարությունից՝ նշելով, որ մարտի 26-ն աշխարհում նշվում է որպես Էպիլեպսիայի իրազեկման օր։
Գերատեսչությունից նշում են, որ 8 անուն հակացնցումային դեղեր ամբողջովին անվճար երկրորդ տարին է՝ հասանելի են էպիլեպսիա ունեցող պացիենտներին:
Առողջապահության նախարարությունը, մինչ այդ տրամադրվող 3 անուն դեղի փոխարեն, 2025 թվականից 8 անուն դեղ էր տրամադրում պացիենտներին՝ այս նպատակով հատկացվող գումարը 73,8 մլն դրամից հասցնելով 228.2 մլն դրամի:
Հիմնական դեղերի ցանկում ընդգրկված 8 անուն դեղերի փոխարեն, 2026 թվականին առողջության ապահովագրությամբ և օֆերտայի սկզբունքով պացիենտներին ամբողջովին անվճար տրամադրվում է 12 անուն հակացնցումային դեղ:
«Այս խմբի համար տարեցտարի ոչ միայն քանակապես է ընդլայնվում դեղապահովման ծրագիրը, այլև նոր դեղաչափն ու նոր դեղաձևերն են ամբողջովին անվճար հասանելի դառնում նրանց:
Այսպես, օրինակ` եթե 2018-2020 թվականներին ԱՆ հիմնական դեղերի ցանկում ընդգրկված 8 անուն դեղ էր պետությունն անվճար տրամադրում այս խմբի պացիենտներին, ապա 2025-ից` 7 նոր դեղաչափով ու 7 նոր դեղաձևով 12 անուն դեղ է նրանց հատկացվում:
Էպիլեպսիա ախտորոշմամբ մինչև 18 տարեկան երեխաների համար պետությունն ապահովում է դիսպանսեր հսկողություն, իսկ երբ այս հիվանդության բուժման միակ տարբերակ է մնում վիրահատական միջամտությունը, այն երեխաների համար ևս իրականացվում է պետական միջոցներով:
Պետության հոգածությամբ 2025 թվականին շուրջ 25 երեխայի վիրահատություն է իրականացվել:
Նյարդաբանական այս խնդիրն ունեցող մեր քաղաքացիների դեղապահովման ու բուժօգնության հասանելիության ապահովմանը զուգահեռ կարևոր է շարունակաբար պայքարել այս հիվանդության շուրջ եղած կարծրատիպերի, խարանի ու խտրական վերաբերմունքի դեմ:
Կարևոր է իմանալ` էպիլեպսիան հնարավոր է վերահսկել, ուստի նյարդաբանական այս հիվանդությամբ ապրող մարդիկ հասարակության լիարժեք անդամներ են»,- ասված է նախարարության հաղորդագրության մեջ:
Անչափահասի հնարավոր սեռական շահագործման գործով մեկ անձի նկատմամբ հարուցվել է հանրային քրեական հետապն...
«Արդարությունը հիվանդանում է, բայց չի մահանում». Ծառուկյանը՝ Փաշինյանի այսօրվա հայտարարության մասին ...
Կինոն սկսել է, բայց հանկարծ հույս չունենաք, որ դուք դիտորդ եք լինելու. Արթուր Դանիելյան
Ինչու էս ամառվա շոգին Աննա Հակոբյանը վդռուգ սկսեց շրջանառել կանանց ընտանեկան բռնությունների հարցը. փ...
Ովքե՞ր են Պուշկինի փողոցի «պատահական անցորդները». ինչպե՞ս են վարչապետի դուստրը, թաղապետը, շոուբիզնես...
Իմ մահվան մասին լուրերը չափազանցված են. Արայիկ Հարությունյան
Նիկոլ Փաշինյանը նոր մամուլի խոսնակ ունի
ՔՊ-ական լինելը որևէ մեկին առավելություն չի տալիս. Փաշինյանը՝ Կոնջորյանի եղբոր մասնակցությամբ միջադե...
Պարզվել է Կիևյան կամրջի տակ հայտնաբերված մահացած երիտասարդի ինքնությունը․ նա Երևանում գործող հայտնի ...
Այո, ես եմ ընտրվել. Լուսինե Բադալյանը ընտրվել է առողջապահական հանձնաժողովի նախագահի թեկնածու (տեսանյ...
