Ընտրություններով Փաշինյանին տապալելը անհնարին մոտ բան է, բայց հնարավոր է Փաշինյանի տակից փախցնել ու խաղից հանել իր իշխանության հենարաններից մեկին՝ Քոչարյան Ռոբերտին. Արթուր Դանիելյան

Մինչ օրս ամենաարժանահավատ սոցհարցման տվյալներով Քոչարյանի ընտրազանգվածի 75%-ի 2-րդ ընտրությունը Կարապետյանն ա: Այս մասին ֆեյսբուքյան իր էջում գրել է Արթուր Դանիելյանը:

«Այսինքն, երբ Քոչարյան ընտրողներին հարցնում են՝ ու՞մ կընտրեք, եթե Քոչարյանը չմասնակցի, այդ մարդկանց 75%-ը ասում է, որ կընտրի Կարապետյանին: Սա մի երևելի բացահայտում չէ, պարզ է, որ տենց էլ պիտի լիներ:

Պարզ է նաև, որ Քոչարյանը կարող էր տեսականորեն իր ներկայիս 3% վարկանիշով հաղթահարել 4% շեմը, բայց պրակտիկորեն անհնար է հաղթահարել 8%-ը: Հետևաբար մաթեմատիկական փաստ է, որ ընտրություններին մասնակցելով, Քոչարյանի նպատակը Կարապետյանից այդ 3-6%-ը փախցնելն է ու փաստացի Փաշինյանին նվիրելն է:

Իմիջիայլոց նույն հարցումը մեկ այլ ուշագրավ և նույնիսկ զարմանալի տվյալ ունի: Փաստորեն Փաշինյան ընտրողների 92%-ը մերժում է սահմանադրությունը փոխելու գաղափարը: Բնական է, բոլոր մնացած խմբերը նույնպես կտրականապես դեմ են դրան:

Մի հավատացեք ձեզ սին հույս կերակրող քաղաքական բառիգներին: Ընտրություններով Փաշինյանին տապալելը անհնարին մոտ բան է (նույնիսկ հաշվի առնելով, որ Կարապետյանի ու Փաշինյանի վարկանիշները հիմա հավասարվել են): Բայց հնարավոր է Փաշինյանի տակից փախցնել ու խաղից հանել իր իշխանության հենարաններից մեկին՝ Քոչարյան Ռոբերտին: Սա հնարավոր է, ու սա պետք է արվի, մինչև հաջորդ ճակատամարտ մտնելը»: