Այնպես է ստացվում, որ բլոգերները գալիս են այն պահին, որ՝ վայ, բոլոր ծառերը կտրեցին. Տիգրան Ավինյան

«Հիշում ենք չէ՞, որ շրջակա միջավայրի վրա ազդեցության գնահատման պրոցեսում լսումներին մեր բոլոր ակտիվ քաղաքացիներին, բլոգերներին, քննադատներին հրավիրեք»: Երևանի Քաղաքապետարանի գործակարգավարական խորհրդակցության ժամանակ ասաց քաղաքապետ Տիգրան Ավինյանը՝ դիմելով Բնապահպանության վարչության պետ Սիրարփի Հայկազյանին։

Նրա խոսոքով, մինչև ծառերի փոխարինումը հրավիրվածները պետք է ներկա գտնվեն փաստացի, ռեզիստոգարաֆով տեղատեսության գործընթացին։

«Ուղղակի ներկա լինեն, տեսնեն, թե որ ծառերն են փոխարինվում, որոնք պահպանվում և հիմնավորումներին տեղեկանան, որովհետև միշտ այնպես է ստացվում, որ նրանք գալիս են այն պահին, որ՝ վայ բոլոր ծառերը կտրվեցին»-ասաց Ավինյանը՝ հավելելով. «Եկեք սկզբում նայեք, կարողա ա դուք էլ եք համաձայնում»։

Սիրարփի Հայկազյանը տեղեկացրեց, որ նախորդ շաբաթ Կոմիտաս պողոտայի ՇՄԱԳ-ի լսումներն էր և ավագանու անդամներին տեղկացրել են, որ կհրավիրեն իրենց և քաղակտիվիստներին ներկա գտնվել ծառերի փոխարինման աշխատանքներին։

«Այդ աշխատանքը մաքսիմալ թափանցիկ անցկացրեք, որպեսզի մանիպուլյացիայի, որևէ տեսակի անհասկացվածության տեղ չթողնեք»,-ասաց  Ավինյանը։