Թիմ Քուկը հեռանում է Apple-ի գլխավոր տնօրենի պաշտոնից
Սեպտեմբերի 1-ից Apple-ի նոր գլխավոր տնօրեն կդառնա Ջոն Թեռնուսը: Թիմ Քուկը, որն ընկերությունը գլխավորել է 2011 թվականին՝ Սթիվ Ջոբսի պաշտոնաթողությունից հետո, կզբաղեցնի Apple-ի տնօրենների խորհրդի նախագահի պաշտոնը։ «Արմենպրես»-ի փոխանցմամբ՝ այս մասին ասվում է ամերիկյան տեխնոլոգիական կորպորացիայի տարածած մամուլի հաղորդագրության մեջ։
Նշվում է, որ 50-ամյա Թեռնուսն Apple-ում աշխատում է 2001 թվականից և ներկայում զբաղեցնում է ընկերության՝ սարքավորումների մշակման գծով փոխնախագահի պաշտոնը։
Իր հերթին, Reuters-ը գրում է, որ նա կարևոր դեր է խաղացել Mac համակարգիչների վաճառքի վերականգնման գործում, որոնք վերջին տարիներին մեծացրել են իրենց շուկայական մասնաբաժինը։
Ավելի վաղ Bloomberg-ը հաղորդել էր, որ Թեռնուսը համարվում է Քուկի ենթադրյալ իրավահաջորդը։
65-ամյա Քուկն Apple-ը ղեկավարել է վերջին 15 տարվա ընթացքում և թողարկել այնպիսի արտադրանք, ինչպիսիք են Apple Watch-ը, AirPod-ը և Apple Vision Pro-ն, ինչպես նաև iCloud, Apple Pay, Apple TV և Apple Music ծառայությունները։
Այս ժամանակաշրջանում ընկերության բաժնետոմսերը 20 անգամ թանկացել են, նշում է Bloomberg-ը։
Apple-ի հայտարարությունից նաև հետևում է, որ Քուկը կշարունակի ղեկավարել պետության հետ ընկերության կապերը։ Մասնավորապես, նա արդեն պատասխանատու է ԱՄՆ նախագահ Դոնալդ Թրամփի հետ Apple-ի փոխգործակցության համար։
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Էրեբունիում հայրը փորձել է բռնաբարել դստերը. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Ուկրաինան անօդաչուներով հարվածներ է հասցնում Սոչիին. կան վիրավորներ
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
