Շաբաթից ավելի է՝ երկրում հեղուկ գազի դեֆիցիտ է, ու սա ևս ոչ մեկին չի անհանգստացնում, բացի խնդրին բախվող քաղաքացուց․ Պիպոյան

«Իրազեկ և պաշտպանված սպառող» հ/կ նախագահ Բաբկեն Պիպոյանը գրել է․

 

«Շաբաթից ավելի է՝ երկրում հեղուկ գազի դեֆիցիտ է: Էկոնոմիկայի նախարարությունից մի ձայն լսե՞լ եք:

 

Տեսե՞լ եք, որ մի չինովնիկի այս հարցն անհանգստացնի, որ մի հատ էլ մտածի, թե ինչ քայլեր կարելի է նախաձեռնել:

 

Ասեք՝ թող գոնե մի հատ ռիլ նկարեն, որ ընդդիմությունն է դեֆիցիտը ստեղծել, ոչինչ, որ ընդդիմությանն էլ նման մանր-մունր հարցերը հետաքրքիր չեն:

 

Ի դեպ՝ շատերը վաճառքը միայն կտրոնով են իրականացնում: Փաստացի՝ ունեն, բայց կտրոն չունեցողների համար՝ ոչ:

 

Ու սա ևս ոչ մեկին չի անհանգստացնում, բացի խնդրին բախվող քաղաքացուց, որի համար լավ համերգներ են կազմակերպվում:

 

Շատ կազմակերպված կառավարում ունենք՝ հո զոռով չի՞:

 

Հ.Գ. Էկոնոմիկայի նախարարությանը հուշեք, որ «վերջին վարիանտ» կարող են ուրիշ բանի մասին ռիլ նկարել, որ, օրինակ, եթե ադրբեջանական բենզին չգար, բենզինի գինը ավելի բարձր կլիներ, հետևաբար գազն ավելի շուտ կսպառվեր ու հիմա կտրոնով էլ հեղուկ գազ շուկայում չէր լինի:

 

Կեցցե՛ ռիլը, որը կուղեկցվի «բռավո՛, պարոն Նախարար, մենք հիանում ենք Ձեզնով» մեկնաբանություններով»: