Եթե սա է ձեր «Ուժեղ Հայաստանի» պատգամավորի մակարդակը, պատկերացնում եմ՝ մնացած որոշումները ինչ տրամաբանությամբ եք կայացնում. Լիա Սարգսյան

 

Բայց այս պատմության ամենատհաճ մասը պատգամավորի թեկնածու, մամուլի խոսնակ Մարիաննա Ղահրամանյանի անմակարդակ պահվածքն է։

 

Նշեմ, որ դատարանի դահլիճում թույլ չտվեցին հարց տալ Սամվել Կարապետյանին՝ պատճառաբանելով, թե «ասուլիսին կհրավիրենք»: Երեկ երեկոյան, երբ հասկացել են, որ հերթական անփույթ, գավառամիտ պատմությունն է ստացվել, որոշել են շտապ փրկել իրավիճակը։ Բայց ոչ իմ նկատմամբ ունեցած հարգանքից․ հիմա կհիմնավորեմ։

 

Մարիաննա Ղահրամանյանը որոշել էր, որ իրավիճակը «շտկելու» ամենաճիշտ պահը կեսգիշերին ինձ զանգերով ու հաղորդագրություններով անհանգստացնելն է։

 

Տեսնելով, որ ֆեյսբուքում ակտիվ չեմ, գիշերը 1։30-ին զանգահարում է իմ հեռախոսահամարին ու սկսում արդարանալ․ «Լիա ջան, տեխնիկական վրիպակ էր, մոռացել էի քո մասին, քո լրատվամիջոցի անունը ցուցակում չէր»։

 

Պատկերացնո՞ւմ եք մակարդակը։

 

Մարդը նույնիսկ չի հասկանում, որ գիշերը 1։30-ին ինչ-որ մեկին զանգելը ոչ միայն նորմալ չէ, այլեւ աննորմալ է, առավել եւս՝ մի լրագրողի, որի հետ անգամ մեկ բաժակ սուրճ չի խմել։ Չի հասկանում, որ մարդիկ ունեն անձնական տարածք, քնի ժամ, կարգ ու կանոն։ Չի հասկանում, որովհետեւ իր համար կարեւոր էր միայն մի բան՝ արագ «տեղը գցել» հարցը, որպեսզի ստեղծված իրավիճակից մաքսիմալ «չոր դուրս» գար։

 

Բացատրում եմ, որ իր արարքն առնվազն անհարգալից վերաբերմունք է։ Բացատրում եմ, որ ես շուտ եմ քնում, որովհետեւ առավոտյան 6։30 արթնանում եմ։ Բայց մարդը նույնիսկ այդ պահին չի հասկանում, շարունակում է նույն տոնով խոսել, արդարանալ՝ անմակարդակ վարքագծով, անդադար խոսելով․․․

 

Ու այս ամենից հետո որոշ մարդիկ խոսում են «պրոֆեսիոնալիզմից», «մեդիայի հետ աշխատանքի մշակույթից» ու «հարգանքից»։

 

Եթե սա է ձեր «Ուժեղ Հայաստանի» պատգամավորի մակարդակը, պատկերացնում եմ՝ մնացած որոշումները ինչ տրամաբանությամբ եք կայացնում։ Եվ եթե այսպես շարունակեք, դժվար չէ կռահելը, թե ուր կհասնեք։