Քաղաքապետը պետք է իմանա, որ ինքը քաղաքապետ է, ոչ թե մայկա-տրուսիկ տպող, որ հաճոյանա վարչապետին․ Ծառուկյանը՝ Ավինյանի ներկայացրած շապիկի մասին
Քաղաքապետը պետք է իմանա, որ ինքը քաղաքապետ է, ոչ թե մայկա-տրուսիկ տպող, որ հաճոյանա վարչապետին։ Նա պետք է հաճոյանա երևանցիներին։ Այս մասին Թալինում ի պատասխան հարցին, թե Երևանի քաղաքապետ Տիգրան Ավինյանը շապիկ է տպել տվել, որի վրա գրված է Ծառուկյանի և Կարապետյանի սխալ արտասանած բառերը, իսկ Նիկոլ Փաշինյանը հիացած է այդ շապիկով։
«Այսքան ժամանակ նա պետք է կառուցեր մետրոյի կայարաններ, թունելներ, ճանապարհներ, Երևանի օդը մաքուր լիներ։ Այսօր ամենաշատը ռակ (քաղցկեղ- խմբ․) հիվանդությունը Երևանում է։ Օդը մաքրեր, ոչ թե տրուսիկ-մայկա տպեր, որ Նիկոլ Փաշինյանի ասի՝ հալալ ա»,- ասաց Ծառուկյանը։
Նա նշեց, որ իրեն ու Սամվել Կարապետյանին, որ երկրի համար արել են, երկրի պատիվը բարձր են պահել, չպետք է քննադատել, վախեցնել։
«Տառասխալը։ Ես կարող եմ ասել, որ իրենք տառերն էլ չգիտեն, անգիր արած խոսում են և հիմնական նախադասությունները չեն տիրապետում, որ տիրապետեին՝ իրենց էսքան փաստաթղթեր չէին ստորագրի ի վնաս մեր երկրի, մեր ժողովրդի։ Եվ ամենակարևորը ուզում եմ ասել՝ իրենք թող չմոռանան՝ Ավինյանն էլ, Փաշինյանն էլ, որ նոր էին եկել իշխանության, ասում էին՝ Արցախը Հայաստան է և վերջ, մենք չենք եկել Արցախը հանձնելու համար։ Կարճ ժամանակում հայտարարեց, որ Արցախն Ադրբեջան է և վերջ։ Եթե այսպես շարունակվեց, փոփոխություն չեղավ՝ մի տարի հետո հայտարարելու են՝ Երևանն Էրիվան է ու վերջ»,- ասաց Ծառուկյանը։
