Օկուպացված Նախիջևանում «Վերադարձ» խորագրով միջոցառում են կազմակերպել

Ադրբեջանական պաշտոնական լրատվամիջոցների, մասնավորապես՝ Report.az-ի և azertag.az-ի փոխանցմամբ՝ հունիսի 18-19-ին Նախիջևանի Ինքնավար Հանրապետության Օրդուբադի շրջանում նախատեսվում է անցկացնել «Վերադարձ Արևմտյան Ադրբեջան» խորագրով 3-րդ փառատոն-կոնգրեսը (https://report.az/en/domestic-politics/nakhchivan-to-host-return-to-western-azerbaijan-event)։ Միջոցառումը կազմակերպվում է Ադրբեջանի գիտության և կրթության նախարարության, Նախիջևանում նախագահի լիազոր ներկայացուցչության, Նախիջևանի պետական համալսարանի և «Արևմտյան Ադրբեջանի համայնք» կազմակերպության համատեղ ջանքերով։ Միջոցառման կոնգրեսի ընթացքում գիտնականներ, հետազոտողներ և հասարակական գործիչներ կներկայացնեն զեկույցներ Արևմտյան Ադրբեջանի իրողությունների, նրա պատմական ժառանգության և վերադարձի հեռանկարների վերաբերյալ։ Ֆեստիվալը մշակութային հատվածում կազմակերպվելու են ցուցահանդեսներ, որոնք արտացոլելու են «Արևմտյան Ադրբեջանի» ազգային և մշակութային արժեքները: Ինչպես նշվեց սա նմանատիպ արդեն 3-րդ միջոցառումն է (առաջինը կայացել է 2023-ին Նախիջևան քաղաքում, երկրորդը՝ 2024-ին Բատաբատում)։