Այսօր-վաղը անակնկալ դուրս եկե՛ք ընտրապայքարից. Սամվել Ֆարմանյանի կոչը՝ ընդդիմադիր մի քանի ուժին

ԱԺ նախկին պատգամավոր Սամվել Ֆարմանյանը գրում է.

«Ողջամտության վերջին կոչ Քոչարյանին, Զուրաբյանին, Մարուքյանին, Մարությանին, Ղուկասյանին ու այլոց

Ա.) Վաղը լրանում է այն ժամկետը, երբ ընտրություններին մասնակցող կուսակցությունները կարող են ինքնաբացարկ հայտնել, այսինքն՝ դուրս գալ ընտրապայքարից ու չփոշիացնել ընդդիմության ձայները: Ինչպես դա արեց «Ալյանսը»:

Բ.) Եթե ամեն բան մնա այսպես, հունիսի 7-ին Նիկոլը, ցավոք, հաղթում է: «Գյումրի -2» չի լինելու, ու դուք այդ մասին գիտեք ավելի լավ, քան ես, ձեր թիմակիցներն ու ուրիշ շատերը:

Գ.) Այսօր-վաղը անակնկալ դուրս եկե՛ք ընտրապայքարից ու հայտարարե՛ք, որ համախմբվում եք ընդդիմադիր առաջատար ուժի՝ Սամվել Կարապետյանի շուրջ: Սա դեռ հնարավոր միակ քայլն է, որ երկրում կարող է մթնոլորտ փոխել, ժողովրդի մոտ Նիկոլի մոտալուտ հեռացման լուրջ սպասում ձևավորել: Սա միակ քայլն է, որ հարյուր հազարավոր հիասթափված մարդկանց կարող է դեռ տանել ընտրական տեղամասեր, որ Նիկոլը գնա:

Դ.) Եթե փորձանքից հինգ պակաս դուք չեք անում այս պարզ քայլը, ու Նիկոլը վերարտադրվում է, դուք բոլորդ դառնում եք Նիկոլի վերարտադրության հանցակիցն ու կրում գալիք բոլոր աղետների ուղիղ պատասխանատվությունը: Ու հեչ էական չի, այդ փորձանքների ժամանակ մի քանի հոգով ԱԺ-ում թառած եք լինելու, բանտերում նստած, թե հունաստաններում արևայրուք ընդունելիս:

Հ.Գ. Խնդրում եմ գլխիս ավետարան չկարդալ. ձեր միակ ընդունելի հակափաստարկը կարող է լինել Նիկոլի հեռացումը հունիսի 7-ին: Ուրիշ ոչինչ: Մնացած մառազմը ես էլ գիտեմ՝ Նիկոլը վերընտրվեց, որովհետև «քաղաքական լուսանցքում» հայտնված մի խումբ ստատուսներ գրեց ֆեյսբուքում, ու հենց դրա համար Նիկոլը վերընտրվեց»։