ՄԱԿ-ի պաշտոնյան կոչ է արել հետաքննել Ուկրաինայի հարվածները Ստարոբելսկի ուղղությամբ

ՄԱԿ-ի Մարդու իրավունքների գերագույն հանձնակատար Ֆոլկեր Թյուրքը կոչ է արել օպերատիվ և անկախ հետաքննություն անցկացնել Ստարոբելսկում ուկրաինական զինված ուժերի հարվածներից հետո:Այսմասին ասվում է ՄԱԿ-ի Մարդու իրավունքների գերագույն հանձնակատարի գրասենյակի հայտարարության մեջ։

Մայիսի 22-ի գիշերը Ուկրաինայի զինված ուժերը ԱԹՍ–ների օգնությամբ գրոհել են Ստարոբելսկում Լուգանսկի պետական ​​մանկավարժական համալսարանի ուսումնական մասնաշենքն ու քոլեջի հանրակացարանը։ Հարվածի պահին հինգհարկանի հանրակացարանի շենքում, որը փլվել է մինչև երկրորդ հարկ, 14-18 տարեկան 86 երեխա է եղել։ Տասնյակ մարդիկ են զոհվել ու վիրավորվել։ Ահաբեկչության մասին գործ է հարուցվել։

 

ՌԴ նախագահ Վլադիմիր Պուտինը դատապարտել է Ուկրաինայի զինված ուժերի հարձակումը Ստարոբելսկում քոլեջի հանրակացարանի վրա։ Ինչպես հայտարարել է ՌԴ նախագահը` ուսումնական հաստատության վրա հարձակումը պատահական չի եղել՝ 16 անօդաչուներ երեք ալիքով գրոհել են միևնույն վայրը։ Նա ռուսաստանցի դիվանագետներին հանձնարարել է միջազգային հանրությանը տեղեկացնել ԼԺՀ-ում Կիևի ռեժիմի հանցագործության մասին։ Պուտինը նաև ընդգծել է, որ հնարավոր չէ սահմանափակվել ԱԳՆ-ի հայտարարություններով։

 

Ռուսաստանը ռազմական գործողություն է սկսել Ուկրաինայում 2022 թվականի փետրվարի 24-ին։ Արևմուտքի երկրներն ի պատասխան լայնածավալ պատժամիջոցներ են սահմանել Ռուսաստանի դեմ։ Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։