Խորհուրդ եմ տալիս, որ ձեզ դատի տան. Փաշինյանը նեղվեց, որ իր աջակիցներ «222 լավա»-ին, «ԳյորգX»-ին ու Արթիշոփի Հովոյին լրագրողն «անուն կպցրեց»

«Ես կարծում եմ, որ դուք բավարար հիմքեր ստեղծեցիք, որ բավարար մարդիկ ձեզ դատի տան։ Ես խորհուրդ եմ տալիս, որ բազմաթիվ մարդիկ ձեզ դատի տան, որպեսզի դուք ձեր լեզվի չափն իմանաք»,-ճեպազրույցի ժամանակ ասաց Նիկոլ Փաշինյանը՝ արձագանքելով «MakaryanNews»-ի լրագրող Վահե Մակարյանին։

Լրագրողը հարցրեց, թե ո՞ր մարդիկ են իրեն դատի տալու։

«էդ մարդիկ, որոնց մասին խոսեցիք և ես արժանապատիվ չեմ համարում ձեր հարցին պատասխանել»,- ասաց Փաշինյանը։

Մինչ այդ լրագրողը հարցեր հնչեցրեց.

«Չպատասխանեցիք, թե Դոնալդ Թրամփի և Մակրոնի՝ ձեզ բացարձակ աջակցությունն արդյոք մեր ներքին գործերին միջամտություն չէ և եթե նույնն ընդդիմության մասով լիներ, դուք ինչ գնահատական կտայիք։ Դուք այդպես ոտքի վրա որ հայտարարում եք, թե Ծառուկյանը «շպիոն» է, «դավաճան» է, տներն եք խլելու և այլն՝ Ծառուկյանն արձագանքել է՝ ասելով, որ եթե դուք ապացուցեք, որ ինքը դավաճան է՝ կգնա ինքնասպան կլինի, իսկ եթե չապացուցեք, ապա ձեզ հրավիրում է իր առյուծների վանդակը, ընդ որում՝ որձ առյուծների։ Դուք պատրաստվո՞ւմ եք  ինքնակամ գնալ  մտնել առյուծի վանդակ՝ զուտ բարոյական պատասխանատվությունից ելնելով։

Երորդր հարցը. Քարոզարշավը մոտենում է ավարտին, բայց ես դեռ չեմ որոշել թե ում եմ ընտրելու և հիշում եմ, որ դու մի քանի ասուլիսի ժամանակ համոզում էիք, որ ես ձեզ ընտրեմ։ Հիմա ես ուզում եմ, որ դուք ինձ համոզեք։ Մի–երկու բան կա. ես տեսնում եմ, որ դուք լավ բաներ արել եք, այսօրվա շքերթն էլ վատը չէր, ինչը, օրինակ , նախկինները չէին արել։ Բայց երբ իմ շրջապատում ասում են՝ ոնց, դու Նիկոլին ես ձեն տալու,  ասում եմ՝ դե չէ, մտածում եմ։ Իրենք ինձ մեղադրում են (կներեք բառացի եմ մեջբերում, իրենց ձևակերպումներն են՝ ելնելով ձեր ելույթներից), ասում են՝ դու ինչպես կարող ես էդ մարդին ձեն տալ, դու իրա ելույթները լսել ես, ինպես է խոսում մարդկանց հետ՝ գիժ է, հիստերիկ է, շիզոգֆրենիկ է։ Ճիշտ է նախկիններին էլ ասում եին թալանչի, մարդասպան, գող-ավազակ, բայց հիմա ձեզ էլ այդ որակումներն են տալիս, են «դավաճան», «հողատու» են մյուսներն էլ չասեմ։

Ասում եմ՝ լավ, բա մենք ունենալու ենք մի երկրի ղեկավար, որին անուն չկպցնեն, որով հպարտանանք, չամաչենք այդ մարդու կերպարից։ Երկրորդ հանգամանքը, որ ինձ կաշկանդում է , երբ դու գնաում մարդկանց հետ շփվում եք, շատ էլ, որ ձեզ սիրում են, էդ ի՞նչ կոնտինգենտ է  ձեզ համակրում. տարիքով մարդը գալիս ձեզ ասում է՝ արի մի հատ պռոշտի լինենք... Լավ է՝ չարեցիք, շատ լավ էր։ Զոհվածի մայրը մոտենում ձեզ ասում է՝ երկու տղաս ձեր օրոք են զոհվել, բայց ես ձեզ շնորհակալ եմ։կ Կամ էն բլոգերները, էդ ովքե՞ր են ձեզ աջակցում՝ «Թու, թու, թու՝ լավա», «ԳյորգX» , Արթիշոփի Հովո, ինչ –որ արվամոր բլոգեր մատուցողներ... Մտածում եմ, որ եթե ես գնամ ձեր բոլոր լավ արածների համար ձեզ ձայն տամ՝ ես էլ եմ էդ որակի մարդկանց հետ նույն շարքին դասվելու, ես էլ եմ ձեզ ձայն տվող համարվելու, իրենք էլ... Մի քիչ վատ եմ զգում դրանից։ Հիմա էսքանից հետո դուք ձեզ ձայն կտայի՞ք, կամ ես ինչպես ձեզ ձայն տամ»։