Պուտինի ելույթն էի լսում նաև ՀՀ-ի վերաբերյալ, ամեն բան շատ լուրջ է. եթե որևէ մեկին թվում է, որ ռուսերեն ասած՝ пронесет, հիասթափեցնեմ՝ դժվար․ քաղաքագետ

«Շատ պարզ, ազնիվ, առանց մի գրամ երկիմաստություններ, կոնկրետ, հասկանալի բառերով ի՞նչ ասվեց.

փորձեմ ամփոփել... 

 

- Մենք պարզ ասում ենք, որ մեր ու ձեր ժողովուրդները բարեկամ են, ազնվորեն ոչ մի խնդիր չկա, եթե կարծում եք, որ այլ համակարգում՝ ասենք ԵՄ, ձեզ համար դա լավ է, գնացեք, մենք դեմ չենք, դա ձեր գործն է, մենք չենք խզի հումանիտար կապերը, մեր շփումների դարերի են, բայց որոշողը դուք եք և ձեր վարչապետը:

 

- Ինչ որոշում էլ ընդունեք, պետք է հաշվի առնեք, որ մեր գործակցությունը, բնականաբար, փոխվելու է, քանի որ տնտեսությունը թվեր են, նորմեր, ստանդարտներ, մաքսատուրքեր և այլն: Եթե դուք գնում եք ԵՄ, դուք իրենց հետ պետք է առևտուր անեք, մեր ու իրենց նորմերը տարբեր են, մեզ հետ այլևս հավանաբար չեք կարողանա:

 

- ԵԱՏՄ-ն ՀՀ-ին տալիս է մեծ ներդրումներ, մեր կապիտալը ձեր երկրում տնտեսություն է զարգացնում, սակայն գնալով այլ շուկա մենք դուրս կգանք ձեր շուկայից, դա հետևանք կունենք, որի մասին պետք է մտածել:

 

- Ձեր գյուղմթերը հիմնականում վաճառվում է ԵԱՏՄ երկիր ՌԴ-ում. նոր նորմերով դուք այլևս չեք կարողանա մեզ մոտ գյուղմթերք վաճառել, նորմերը տարբեր են:

 

- Արտագնա աշխատողների մասով. դուք այլևս մեր երկրում չեք կարող աշխատել առանց պատենտներ գնելու, ինչպես ԱՊՀ-ի երկրները, մինչդեռ ԵԱՏՄ երկրի կարգավիճակում նման բան չկար

 

- Այսօր ՀՀ-ն ստանում է գազ 160$ 1000 խ.մ. համար, մինչդեռ ԵՄ-ի երկրների համար այն 600 եվրո է. սա նույնպես մեծ ձեռքբերում է, որ ԵԱՏՄ-ն ու ՌԴ-ն հատկապես տալիս է ՀՀ-ին:

 

- Կփոխվեն, այսինքն կբարձրանան մաքսատուրքերը, որոնք հիմա առհասարակ չկան:

 

- Բեռնատար քշողները հավելյալ հարկեր կվճարեն, մինչդեռ նրանք հիմա հարկեր են վճարով ՌԴ-ի ներքին գներով:

 

- Մեր տնտեսագետները կարծում են, որ ՀՀ-ի ՀՆԱ-ն կնվազի առնվազն 14 տոկոսով, որ ձեր երկրի համար մեծ թիվ է:

 

- մենք կընդունենք ձեր ցանկացած որոշում, սակայն պետք է պարզ ու ազնիվ ասել, որ ԵԱՏՄ-ից դուրս գալու որոշումը ունենալու է տնտեսագիտական հետևանքներ:

 

Դա էր պատճառը, որ մենք կարծում ենք, որ այս հարցով ճիշտ կլիներ հանրաքվե անել, որ հայ ժողովուրդը ինքը դա որոշի:

 

Հ.Գ. հունիսի 7-ի ընտրությունը հենց այդ հանրաքվեն է: Վերևում գրածում ոչ մի գրամ ռոմանտիզմ չկա, չոր փաստեր, ինչպես նաև հատևանքներ են:

 

Էս ա»: