Հենց Հայաստանի իշխաննությոններն են երկիրը տանում դեպի անդունդ. Պետդումայի խոսնակ Վյաչեսլավ Վոլոդին

Հայաստանը կկորցնի իր ինքնությունը, եթե միանա Եվրամիությանը, ինչպես արդեն կորցրել է իր կոնյակը կոնյակ անվանելու իրավունքը։ Այս մասին «Վեստի»-ին տված հարցազրույցում հայտարարել է Պետդումայի խոսնակ Վյաչեսլավ Վոլոդինը։

Քաղաքական գործիչը նշել է, որ ԵՄ-ն Հայաստանին տնտեսական աճ է խոստանում, ինչպես մի ժամանակ խոստացել էր Ուկրաինային։ Սակայն ուկրաինական արտադրանքը երբեք թույլ չի տրվել մտնել եվրոպական շուկաներ, քանի որ այն անմրցունակ է։

«Իսկ ի՞նչ կվաճառի Հայաստանը։ Նրանք մեզ գինի են վաճառում։ Մակրոնը եկավ, նրանք գրկեցին Փաշինյանին, այնպես որ, առաջ գնացեք և պայմանագիր կնքեք և գինի արտահանեք Ֆրանսիա։ Ոչ, նույնիսկ կոնյակն այժմ նրանց համար կոնյակ է, քանի որ ֆրանսիացիներն ասացին. «Ձեր կոնյակը կոնյակ է»։ Նրանք կկորցնեն իրենց ինքնությունը, ինչպես կորցրեցին այն Ուկրաինայում»,- հայտարարել է Վոլոդինը։

Միևնույն ժամանակ, նա ընդգծել է, որ Հայաստանի ժողովուրդը պետք է առանձնացվի իշխող էլիտայից, քանի որ հենց նրանք են երկիրը տանում դեպի անդունդ»։

Վոլոդինը նաև նշել է, որ Ռուսաստանն օգնում է և՛ Հայաստանին, և՛ նրա ժողովրդին, բայց դեմ է հարաբերություններում ստին և երկակի ստանդարտներին:

«Մենք կողմ ենք միայն ազնիվ, բաց հարաբերություններին և, իհարկե, փոխշահավետ համագործակցությանը։ Բարեկամությունը երկկողմանի է լինում», - եզրափակել է Պետդումայի խոսնակը։