Հայ հասարակությունը շարունակում է պահանջել Ռուսաստանի հետ հարաբերությունների զարգացում. Մարիա Զախարովա

Հայ հասարակությունը շարունակում է պահանջել Ռուսաստանի հետ հարաբերությունների զարգացում և երկրի շարունակական մասնակցությունը եվրասիական ինտեգրացիոն միավորումներին, քանի որ դրանք տալիս են կոնկրետ արդյունքներ։

Այս մասին «Սպուտնիկ» ռադիոկայանի եթերում հայտարարել է Ռուսաստանի արտաքին գործերի նախարարության խոսնակ Մարիա Զախարովան։

Նրա խոսքով՝ եվրասիական կառույցների շրջանակներում համագործակցությունը Հայաստանին ապահովում է իրական և շոշափելի օգուտներ, ի տարբերություն դատարկ խոստումների:

«Հայ հասարակության մեջ կա հստակ և լայնորեն տարածված պահանջ ռուս-հայաստանյան հարաբերությունների առաջադեմ զարգացման և Հայաստանի շարունակական մասնակցության եվրասիական ինտեգրացիոն կառույցներին, որոնք բերում են իրական, շոշափելի օգուտներ», - ասել է Զախարովան։

Նա նշել է, որ Ռուսաստանի և Հայաստանի միջև երկկողմ կապերի աջակցությունը հիմնված է նման փոխազդեցության գործնական օգուտների ըմբռնման վրա։ Դիվանագետի խոսքով՝ այս պահանջը կապված չէ մանիպուլյացիաների կամ քաղաքական խոստումների հետ, այլ ձևավորվում է համագործակցության կոնկրետ արդյունքների հիման վրա:

«Մարդիկ տեսնում են այդ արդյունքները, գնահատում են դրանք և աջակցում են հարաբերությունների հետագա զարգացմանը», - ընդգծել է Զախարովան։