Գլխավոր սխալներից մեկն ընդդիմադիր հատվածում ոչ բավարար համախմբումն էր․ Մեսրոպ Առաքելյան
Այն, որ իշխանությունն արեց ամեն ինչ «ընտրվելու» համար, ակնհայտ է և ակնհայտ էր ի սկզբանե։ Կարևոր է հասկանալ՝ ի՞նչ կարող էր անել ընդդիմությունը այլ կերպ, որը կապահովեր ավելի լավ արդյունք։ Այս մասին գրել է «Ապրելու երկիր» կուսակցության համահիմնադիր Մեսրոպ Առաքելյանը:
«Պետք է անկեղծ լինել, և դուրս գալ անսխալականի կարգավիճակից՝ ամեն ինչ բարդելով իշխանության և/կամ ժողովրդի վրա։ Միայն այդ պարագայում է հնարավոր ուղղել սխալները՝ հետագա հաջողությունների համար։
Այդ համախմբման հնարավոր մասնակիցներից որոշ ուժեր ընտրություններին մասնակցեցին առանձին՝ չհաղթահարելով անցողիկ շեմը։
Սա նաև կփոխեր քարոզչության և իշխանական հակաքարոզչության բովանդակությունը՝ ունենալով բազմաբնույթ ընդդիմադիր առաջարկներ ընտրողներին։
Սակայն, որոշ մարդիկ սեփական քաղաքական ամբիցիաները վեր գնահատեցին իշխանափոխության կարևորությունից, ինչն էլ խանգարեց մեծ ու փոքր համագործակցությունների կայացմանը։
Հիմա այդ մարդիկ «վայելում են» իրենց մի քանի հազար ձայնը՝ նպաստելով Նիկոլ Փաշինյանի իշխանության վերարտադրմանը»,-գրել է նա։
