Փամբակ գետում ջրաhեղձ եղած 7-ամյա Նարեին այսօր hnւղարկավnրել են Արթիկում, իսկ նրա 13-ամյա քույրիկին դեռ որոնում են

«Փամբակի ջրերի մակարդակը նկատելի իջել է, ինչը բավականին կհեշտացնի որոնողական աշխատանքները»,- ասել է Լոռէ փրկարարական ջոկատի նախագահ Արմեն Առաքելյանը, ով նույնպես մասնակցում է Փամբակի ջրերում 13 -ամյա աղջկա որոնողական աշխատանքներին։

6-րդ օրն է Փամբակի ջրերում շարունակվում են որոնողական աշխատանքները, որին ներգրավված են փրկարար ծառայության 167, ոստիկանության 90 ծառայողներ, կամավորներ, ջրասուզակներ, անօդաչու թռչող սարքեր, օգտագործվում են նաև նավակներ ու այլ տեխնիկական միջոցներ։

Հիշեցնենք, որ հունիսի 15-ին՝ ժամը 17։05-ին, 112 ահազանգ էր ստացվել, որ 7 և 13 տարեկան երկու երեխա Վանաձոր քաղաքի Նարեկացի փողոցի հասցեներից մեկից դուրս էին եկել և չէին հասել նախատեսված վայր։ Հունիսի 17-ին Փամբակ գետում հայտնաբերվել էր 2018 թվականի ծնված Նարե Մարտիրոսյանի մարմինը։

Թղթապանակ Ֆորտունա-ն հայտնում է, որ այսօր որոնողական աշխատանքները կրկին սկսվել են հենց դեպքի հատվածից։ Արմեն Առաքելյանն ասել է, որ կարող է «մի տեղ սանրելով անցնես գետով, հաջորդ րոպեին հայտնաբերես»։

Հունիսի 17-ին Փամբակ գետում հայտնաբերված Նարե Մարտիրոսյանի մարմինի դին այսօր առավոտյան տեղափոխվել է Արթիկ։ Գետում փնտրում են հենց նոր քույրիկին։

5-րդ ալիքը հայտնում է, որ Նարեն հուղարկավորվել է իր մայրիկի հայրական գյուղում՝ Հովտաշենում։ Նարեին մոր խնդրանքով չէին հուղարկավորել. հարազատները հույս ունեին շուտ կգտնեն ավագ քրոջ՝ Նարինեի մարմինը ու քույրերին կհուղարկավորեն միասին։

Վանաձորցիները պատմել էին. «Ներկա չեմ եղել դեպքին, բայց թաղամասում լուրեր են պտտվում, որ խողովակով անցնելուց փոքր երեխան ընկել է, մեծն էլ ձեռքը տվել է, որ օգնի, սղացել է, ինքն էլ է ընկել ջուրը»։

«Մի մարդ տեսել է, որ գետի միջից մի երեխա գոռում է մամա ջան, օգնեք։ Մինչև իջանք, գետի կողքերը նայեցինք, չտեսանք։ Որպես կամավորներ մինչև ուշ գիշեր փրկարարների հետ նայել ենք տարածքը, ոչ մի արդյունք։

Սկզբից մի երեխու էինք ման գալիս, հետո երբ մայրը հայտնվեց, ասաց, որ երկրորդ երեխան էլ չկա»։