Տաշիր Սամոյի քրոջ տղան՝ Հայկ Իգնատյանը ներքին կարգով ՔՊ-ի ջրաղացին ջուր է լցնում
«Ուժեղ Հայաստան» կուսակցության հիմնական անհաջողությունները գալիս են սխալ կառավարումից կամ կուսակցության կազմում սխալ մարդկանց ընդգրկելուց։ Այս կուսկցության կազմում այնքան շատ են նախկին ու ներկա ՔՊ-ականներն ու նրանց մերձավորները, որ ակամա տարակուսում ես՝ հիմա սա «Ուժեղ Հայաստա՞նն» է, թե՞ Նիկոլի «Իրական Հայաստան»-ը։ Այնպիսի ակտիվությամբ է Տաշիր Սամոն թույլ տալիս այդ մարդկանց ներգրավվել իր ստեղծած կուսակցության կազմում, որ կարծես ուզում է Փաշինյան Նիկոլի ջրաղացին ջուր լցնել։
NEWSPRESS.am-ն անդրադարձել է նրանցից մի քանիսին․ օրինակ` Ծաղիկ Վարդանյանին ու նրա քրոջը` Լուսինե Վարդանյանին, ՔՊ-ականների հետ աշխատած ու նրանց հետ սերտ կապերի մեջ գտնված` ՀՀ տարածքային կառավարման և ենթակառուցվածքների փոխնախարար Լիլիա Շուշանյանին և էլի մի շարք ՔՊ-ականների։
Հիմա էլ պարզվում է՝ անգամ Տաշիր Սամոյին մերձավորներն են ՔՊ ակունքներում։
NEWSPRESS.am-ի տեղեկություններով` օրինակ, «Ուժեղ Հայաստան»-ին մոտ կանգնած անձանցից մեկը՝ Արարատի մարզի Վեդիի էլեկտրացանցի պետ Արման Միքայելյանը սերտ հարաբերությունների մեջ է ՔՊ-ականների հետ։ Մեր տեղեկություններով` նա միայն ցույց է տալիս, թե իբր Տաշիրենց հետ է, իսկ իրականում աշխատում և կոնկրետ համագործակցում է ՔՊ-ականների հետ։ Մասնավորապես, տեղեկություններ կան նրա ու Վեդիի ՔՊ-ական համայնքապետ Գարիկ Սարգսյանի միջև եղած գործնական սերտ հարաբերությունների մասին։
«Ուժեղ Հայաստան»-ի նախընտրական քարոզարշավներից մեկի ժամանակ նա թույլ չի տվել Էլցանցի աշխատողներին մասնակցել հավաքին։ Նույն տեղեկության համաձայն` Մասիսում մոտ 100 մարդ կալանավորվեց հենց Արման Միքայելյանի «օգնությամբ»։
Բայց, ամենաանհավանական թվացող` մեջքից հարվածը, մեր աղբյուրների համաձայն, Սամվել Կարապետյանի քրոջ որդու՝ Հայկ Իգնատյանի կողմից է։ Ինչպես մեր աղբյուրներն են փոխանցում, վերջինս իր վրա է վերցրել «Ուժեղ Հայաստան»-ի կազմակերպական աշխատանքներն ու ներքին կարգով տապալում է դրանք։ Անգամ կան տեղեկություններ, որ ձերբակալվածներից շատերը նրա «թեթև ձեռքով» են կալանավորել։ Ասում են՝ նա ամեն տեղ իր մարդն ունի ու հեշտությամբ կարողանում է ամեն ինչ իր ձևով կարգավորել։
Տեղեկություններ կան նաև, որ «Ուժեղ Հայաստան» կուսակցության անդամ Դավիթ Ղազինյանը ևս նրա ջանքով է հայտնվել կալանքի տակ։
Ամեն դեպքում, եթե այս տեղեկությունները հասել են մեզ ու Սամվել Կարապետյանն իսկապես դրանց մասին չգիտի, ապա ստացվում է, որ նա շատ վատ ղեկավար է ու չգիտի, թե ում վրա կարելի է հենվել։ Իսկ եթե նա խաբված չէ և գիտի, թե ինչ են անում իր մերձավորները և, այնուամենայնիվ, ղեկը դեռ նրանց ձեռքին է թողնում, ապա այս դեպքում էլ ստացվում է, որ Տաշիր Սամոն Փաշինյանի ջրաղացին ջուր է լցնում։
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
