ԵՄ-ն փորձում է ավելի ամուր հաստատվել Հարավային Կովկասում. Euronews
Եվրամիությունը ընդլայնում է իր ներկայությունը տարածաշրջանային կայունության, էներգետիկայի և տրանսպորտային կապի ոլորտներում, և Եվրահանձնաժողովի նախագահ Ուրսուլա ֆոն դեր Լեյենը Հարավային Կովկասում իր շրջագայությունը սկսել է Բաքու այցելությամբ։
Այսպես է սկսվում Euronews-ի կողմից Եվրահանձնաժողովի նախագահի Ադրբեջան կատարած այցի մասին հրապարակված հոդվածը։
Շեշտվում է, որ Բաքուն Եվրահանձնաժողովի նախագահի տարածաշրջանային շրջագայության առաջին կանգառն էր՝ նախքան նրա Հայաստան այցը։
Հոդվածում նաև մեջբերվում է Ուրսուլա ֆոն դեր Լեյենի խոսքերը, ով Ադրբեջանին անվանել է ԵՄ-ի հիմնական գործընկեր և ընդգծել Բաքվի դերը Եվրոպայի էներգետիկ անվտանգության ապահովման գործում աշխարհաքաղաքական անորոշության պայմաններում։
Ավելին, հոդվածում նշվում է, որ Եվրամիությունը մտադիր է մինչև 200 միլիոն եվրո դրամաշնորհներ հատկացնել Հարավային Կովկասում իրականացվող նախագծերի համար, որոնք, ինչպես կանխատեսվում է, կներգրավեն մինչև 2 միլիարդ եվրո պետական և մասնավոր ներդրումներ։
Հայտարարվել է նաև 20 միլիոն եվրոյի ծրագրի մեկնարկի մասին, որը նպատակ ունի աջակցել խաղաղարար նախաձեռնություններին, այդ թվում՝ մարդասիրական, ականազերծմանը, առողջապահության զարգացմանը, գյուղական զարգացմանը և փոքր ու միջին բիզնեսին։
Հոդվածում նշվում է, որ Եվրամիությունը սկսել է ավելի լայն ռազմավարություն՝ Հարավային Կովկասի և Թուրքիայի հետ կապերը ամրապնդելու համար՝ ձգտելով խորացնել համագործակցությունը էներգետիկայի, տրանսպորտի, տնտեսական կայունության և տարածաշրջանային կայունության ոլորտներում։
