Վիրավորում եք... մանդատը մեզ համար տոմս է դեպի կալանավայր... որ մանդատ չվերցնենք, բա ո՞վ ԱԺ-ում կնոպկա սեղմի. Նարեկ Կարապետյան (տեսանյութ)

«Համացանցում տեսա մի կարծիք, մեր հայրենակիցներից մեկն ասում է՝ ահա, մանդատի  համար էր այս ամենը։ Սիրելի հայրենակից, սիրելի հայրենակիցներ, մանդատը մեզ ի՞նչ է տալիս, ինձ ի՞նչ է տալիս, իմ ընկերներին ի՞նչ է տալիս, բացի պայքարից, պրոբլեմներից, ճնշումներից»,-արձագանքելով մանդատները վերցնելու որոշմանը հաջորդած քննադատություններին՝ նշում է «Ուժեղ Հայաստան» կուսակցության խորհրդի անդամ Նարեկ Կարապետյանը։

Նա շատ վիրավորական է համարում նման մոտեցումը։

«Մենք մեկ տարի այս բոլոր պրոբլեմների միջով անցնենք, ձեզ մոտ էդ վստահությունը չլինի՞, որ մտածված ենք անում։ Այդ մանդատի նշանակությունը մենակ պրոբլեմ է, մարդիկ թողնում են իրենց գործը, գործարարությունը, գալիս են, որ գնան, նստեն։ Մանդատն ուղղակի տոմս է դեպի կալանավայր։ Մի հարց, վաղը Հայաստանում փողոցում հարյուրավոր մարդիկ են, ո՞վ է սեղմելու կնոպկեն, որ էսի գնա»,-ասում է նա։