Մարզային դպրոցները սեպտեմբերի 1-ից կանցնեն ԿԳՄՍ նախարարության ենթակայության ներքո
ԿԳՄՍ նախարարի տեղակալ Արաքսիա Սվաջյանի ու հանրակրթության ոլորտի պատասխանատուների մասնակցությամբ մեկնարկած հուլիսյան խորհրդակցությունները, որտեղ քննարկվել են դպրոցների ենթակայության փոփոխությանը վերաբերող հարցերը, ամփոփվել են Արագածոտնի և Շիրակի մարզերում։ Խորհրդակցությանը մասնակցել են նաև մարզպետարանների կրթության ոլորտի պատասխանատուները։
«Բարեփոխման ծրագրերն առնչվում են հանրակրթության պետական չափորոշչի ներդրմանը, ուսուցիչների մասնագիտական զարգացման ծրագրերի և դպրոցի կառավարման համակարգի արդյունավետության բարձրացմանը: Կարևորելով բոլոր դպրոցներում միասնական մոտեցում ունենալու հանգամանքը՝ որոշվել է դպրոցների բովանդակային կառավարումն ամբողջությամբ փոխանցել ԿԳՄՍ նախարարությանը, իսկ վարչատնտեսական կառավարումը՝ շենք-շինությունների պահպանությունը, դրանց բարեկարգմանն ուղղված աշխատանքների համակարգումը, անվտանգությունը, մաքրությունը վերապահել մարզպետարաններին։ Շարունակելու ենք նույն կերպ համագործակցված աշխատել՝ հետամուտ լինելով միասնական ընդհանուր նպատակին՝ կրթության որակի բարձրացմանը»,- ասել է Արաքսիա Սվաջյանը՝ ընդգծելով, որ որոշակի աշխատանքներ են ակնկալվում նաև համայնքներից։
Նրա խոսքով՝ աստիճանաբար համայնքները պետք է առավելագույն մասնակցություն ունենան դպրոցներում տեղի ունեցող գործընթացներում՝ մասնակցելով նաև կառավարման հարցերին:
«Շատ կարևոր է, որ հատկապես գյուղական բնակավայրերում նոր կառուցվող դպրոցները և կրթահամալիրները դառնան համայնքային կենտրոններ, որովհետև դրանք տվյալ բնակավայրում եզակի ենթակառուցվածքներ են և ճիշտ չի լինի, որ օգտագործվեն միայն դպրոցի գործունեության շրջանակում։ Պետական ներդրումներն ավելի նպատակային կլինեն, եթե նորաստեղծ ենթակառուցվածքները լայն կիրառում ստանան՝ ծառայելով նաև համայնքի կյանքի կազմակերպմանը»,- ասել է Արաքսիա Սվաջյանը:
Անդրադառնալով կրթական գործընթացի կազմակերպմանը՝ նա հայտնել է, որ նախատեսվում է ունենալ նաև մարզային համակարգողներ, որոնք անմիջական կապի մեջ կլինեն դպրոցների հետ՝ պարբերական այցեր կատարելով դպրոցներ, խնդիրներն ու իրավիճակի հսկողությունը պահելով ուշադրության կենտրոնում:
Արաքսիա Սվաջյանի խոսքով՝ որակյալ կառավարում իրականացնելու նպատակով տարբեր ուղղություններով ներդրվում է թվայնացման համակարգ: Նախատեսվում է թվայնացնել ամենաբարդ համակարգերից մեկը՝ ֆինանսավորումը, ինչը զգալի կհեշտացնի ընթացիկ աշխատանքները:
Հանդիպման շրջանակում Արաքսիա Սվաջյանն անդրադարձել է նաև հաստիքացուցակներին, հանրակրթության նոր չափորոշչի ներդրման առանձնահատկություններին, ուսուցիչների կամավոր ատեստավորման գործընթացին, ինչպես նաև ուսուցման արդյունավետ կազմակերպմանը վերաբերող մի շարք այլ հարցերի: Ներկաները իրենց հուզող հարցերն ու դիտարկումներն են ուղղել նախարարի տեղակալին և ստացել սպառիչ պատասխաններ:
Վերին Լարսը փակ է. Վրաստանը տարհանում է տեղի բնակիչներին (տեսանյութ)
Մեր պետական կառույցներում չգիտե՞ն, թե փայլաթիթեղն ինչ նպատակով կարող է օգտագործվել Ադրբեջանում
Ադրբեջանը Հայաստանի գյուղերում ուսումնասիրություն է իրականացրել, որում Արարատի Նորամարգ գյուղը ներկա...
Դալար գյուղում ոստիկանը վրաերթի է ենթարկել կնոջն ու նրա 6-ամյա որդուն և դիմել փախուստի. գործը փորձու...
Շոու-բիզնեսով զբաղվողի ու իրական արտիստի սահմանը. արժեքներ, որոնք փողով չեն չափում
Չամարձակվեք այլևս Ծառուկյանի անունը տալ, դուք «պրավալ» տվեցիք, հիմա փորձում եք մեղքը գցել Ծառուկյանի...
Ինչո՞ւ են «Գադիան» գրուպի մրցակից պահնորդներին զենքի քննությունից «աջ ու ձախ կտրում». ի՞նչ կապ ունի ...
Կարծում եք՝ պատից նկարը հանելով՝ հերոսի՞ն էլ եք ջնջելու. ջնջել են Ալբերտ Հովհաննիսյանի նկարը
Հայաստանի անկախությունը՝ Ադրբեջանի դրոշի գույների ներքո․ պատահականությո՞ւն, թե՞ քաղաքական ուղերձ (տե...
Հղի կնոջը հիվանդանոց տեղափոխելիս սկսել է ծննդաբերությունը․ բժշկական կենտրոնում պտուղը ծնվել է մահացա...
