«Ժողովուրդ» օրաթերթի տեղեկություններով՝ 2018 թվականի հեղափոխությունից հետո իրավապահների ուշադրության կենտրոնում հայտնված ոստիկանության նախկին պաշտոնյաները մինչ օրս չեն կարողանում դատարաններում հասնել իրենց համար ցանկալի արդյունքի։ Մասնավորապես, Մարտի 1-ի գործով մեղադրյալ նախկին պաշտոնյաները փորձում են ազատվել իրենց նկատմամբ կիրառված «բացակայելու արգելք» խափանման միջոցից, որը թույլ չի տալիս լքել Հայաստանի Հանրապետությունը։ Սակայն դատարանները հետևողականորեն մերժում են նրանց միջնորդությունները՝ պատճառաբանելով, որ շարունակում է առկա մնալ հնարավոր փախուստի ռիսկը։
Հիշեցնենք, որ այս տարվա հունվարի 14-ին դատարան էր ուղարկվել ՀՀ ոստիկանության պետի նախկին տեղակալ Սաշա Աֆյանի նկատմամբ հարուցված քրեական գործը։ Ըստ մեղադրանքի՝ նա 2008 թվականի մարտի 1-ին, անցնելով իր պաշտոնեական լիազորությունների սահմանները, ՀՀ ոստիկանության այլ բարձրաստիճան պաշտոնատար անձանց հետ հանցակցությամբ կազմակերպել է ոստիկանության տարբեր ստորաբաժանումների կողմից Երևանի «Ազատության» հրապարակում անցկացվող խաղաղ հավաքի ցրումը՝ բռնության և հատուկ միջոցների կիրառմամբ։
Մեղադրանքի համաձայն՝ կազմակերպվել է նաև ցուցարարների բռնի հեռացումը հրապարակից, ինչպես նաև Երևանի կենտրոնական հատվածներում նրանց հետագա կուտակումների, հնարավոր ցույցերի և հավաքների կանխումը, ինչի հետևանքով, ըստ մեղադրանքի, էական վնաս է պատճառվել անձանց իրավունքներին ու օրինական շահերին, ինչպես նաև հասարակության և պետության օրինական շահերին։
«Ժողովուրդ» օրաթերթը տեղեկացավ, որ Սաշա Աֆյանը կրկին փորձել է դատարանի միջոցով վերացնել իր նկատմամբ կիրառված «բացակայելու արգելք» խափանման միջոցը, սակայն դատարանը մերժել է միջնորդությունը։ Դատարանն իր որոշմամբ արձանագրել է, որ գործի այս փուլում շարունակում են պահպանվել նախաքննության ընթացքում արձանագրված ռիսկերը, և ՀՀ քրեական դատավարության օրենսգրքի 116-րդ հոդվածով նախատեսված նպատակներին հնարավոր է հասնել հենց «բացակայելու արգելք» խափանման միջոցի կիրառմամբ։ Ըստ դատարանի՝ այդ միջոցը բավարար է մեղադրյալի հնարավոր փախուստը կանխելու համար, այդ թվում՝ անձը հաստատող փաստաթղթերի օգտագործմամբ Հայաստանի Հանրապետությունը լքելու ռիսկը բացառելու նպատակով։
Արդյունքում դատարանը որոշել է Սաշա Աֆյանի նկատմամբ ընտրված «բացակայելու արգելք» խափանման միջոցը թողնել անփոփոխ։
Թիմում մեծ մասը հրաժարվել է մանդատներից Նարեկ Կարապետյանի հայտարարությունից հետո. «Իրավունք»
Հայկական Վարդավառը՝ հունական Պոսեյդոնի ուղեկցությամբ. 199,5 մլն դրամ՝ տոնակատարության համար
Գումար չտաս՝ երեխայիդ «քթից կբերեն»․ ինչ է կատարվել Երևանի թիվ 134 դպրոցում. Ishkhanutyun.am
Գագիկ Ծառուկյանին 2 անգամ փոքր մահճակալի վրա են ստիպել քնել, Արեգնազ Մանուկյանին արգելում են անգամ...
Ինչո՞ւ է Արայիկ Հարությունյանը հեռանում. Փաշինյանի պատասխանը նոր հարցեր է առաջացրել. «Ժողովուրդ»
Կտրուկ վատացել է Գագիկ Ծառուկյանի մոր առողջական վիճակը․ «Հրապարակ»
Փաշինյանը որոշել է «ժերտվա տալ» մերձավորներին. «Հրապարակ»
Մոսկվայի հայ համայնքը հանդես է գալիս նախաձեռնությամբ՝ հաջակցություն Գագիկ Ծառուկյանի
Բանտում թե ազատության մեջ՝ Ծառուկյանը միևնույն է երկրում և աշխարհում շատ ավելի մեծ հարգանք է վայելել...
Ի՞նչ է նշանակում` բաժնի ղեկավարին աշխատանքից ազատել «հաստիքի կրճատման» հիմքով. ո՞ւմ եք ապուշի տեղ դն...
