ԱՆԻՖ-ի դուստր ընկերության նախկին տնօրենի վերաբերյալ քրեական վարույթը ուղարկվել է դատարան
«Հայաստանի պետական հետաքրքրությունների ֆոնդ» ՓԲԸ-ի՝ ԱՆԻՖ-ի նախկին դուստր ընկերության՝ «Ձեռնարկատեր+Պետություն հակաճգնաժամային ներդրումների կառավարիչ» ՓԲԸ-ի նախկին տնօրեն Բելլա Մանուկյանի վերաբերյալ քրեական վարույթը մեղադրական եզրակացությամբ ուղարկվել է դատարան։ Այս մասին «Հետք»-ի գրավոր հարցմանն ի պատասխան` հայտնել է Գլխավոր դատախազությունը։
Հիշեցնենք, որ 2025 թվականի օգոստոսի 15-ին Դատախազությունը հանրային քրեական հետապնդում էր հարուցել «Հայաստանի պետական հետաքրքրությունների հիմնադրամ» ՓԲԸ-ի (ԱՆԻՖ) նախկին տնօրեն Դավիթ Փափազյանի, «Ձեռնարկատեր+պետություն հակաճգնաժամային ներդրումների հիմնադրամ» ՓԲԸ-ի նախկին տնօրեն Բելլա Մանուկյանի և «Սի Էֆ Դաբլյու» ՓԲԸ-ի տնօրեն Կարինե Անդրեասյանի նկատմամբ։
Այս քրեական վարույթը վերաբերում էր «Ձեռնարկատեր+Պետություն հակաճգնաժամային ներդրումների կառավարիչ» ՓԲԸ-ից 1.5 մլրդ դրամ ներդրում ստացած «Սի Էֆ Դաբլյու» ընկերությանը։ «Հետքը» պարզել էր, որ Ընկերության տնօրենը՝ Կարինե Անդրեասյանը, Տիգրան Ավինյանի կնոջ ընկերուհին է, իսկ բաժնետոմսերի 51 %-ը պատկանում է Դելավերում՝ օֆշորային գոտում, գրանցված երկու ընկերության։
«Սի Էֆ Դաբլյու» ՓԲԸ-ն պետք է կիբեռանվտանգության ոլորտի մասնագետներ պատրաստեր պետական և մասնավոր կազմակերպությունների համար։ Սակայն ծրագիրը ձախողվել է։
Դավիթ Փափազյանի, Բելլա Մանուկյանի և Կարինե Անդրեասյանի նկատմամբ քրեական հետապնդում էր հարուցվել առանձնապես խոշոր չափերով փողերի լվացման, փաստաթղթերի կեղծման և մասնավոր ոլորտում ծառայողական լիազորությունները կամ դրանցով պայմանավորված ազդեցությունը չարաշահելու հոդվածներով։ Դավիթ Փափազյանի նկատմամբ 2025 թվականի սեպտեմբերից հայտարարվել է միջազգային հետախուզում։
Դատախազությունից նաև հայտնել են, որ այս վարույթի նախաքննությունը դեռևս շարունակվում է, և նոր մեղադրյալներ չկան։ Բայց քրեական վարույթից անջատված մասով՝ Բելլա Մանուկյանի վերաբերյալ, մեղադրական եզրակացությամբ ուղարկվել է դատարան։
«Դատալեքս» տեղեկատվական համակարգից տեղեկանում ենք, որ Հակակոռուպցիոն քրեական դատարանը գործը ստացել է 2026 թվականի հուլիսի 10-ին։ Նույն օրը գործը մակագրվել է դատավոր Սարգիս Պետրոսյանին։
Թիմում մեծ մասը հրաժարվել է մանդատներից Նարեկ Կարապետյանի հայտարարությունից հետո. «Իրավունք»
Հայկական Վարդավառը՝ հունական Պոսեյդոնի ուղեկցությամբ. 199,5 մլն դրամ՝ տոնակատարության համար
Գումար չտաս՝ երեխայիդ «քթից կբերեն»․ ինչ է կատարվել Երևանի թիվ 134 դպրոցում. Ishkhanutyun.am
Գագիկ Ծառուկյանին 2 անգամ փոքր մահճակալի վրա են ստիպել քնել, Արեգնազ Մանուկյանին արգելում են անգամ...
Ինչո՞ւ է Արայիկ Հարությունյանը հեռանում. Փաշինյանի պատասխանը նոր հարցեր է առաջացրել. «Ժողովուրդ»
Կտրուկ վատացել է Գագիկ Ծառուկյանի մոր առողջական վիճակը․ «Հրապարակ»
Փաշինյանը որոշել է «ժերտվա տալ» մերձավորներին. «Հրապարակ»
Մոսկվայի հայ համայնքը հանդես է գալիս նախաձեռնությամբ՝ հաջակցություն Գագիկ Ծառուկյանի
Բանտում թե ազատության մեջ՝ Ծառուկյանը միևնույն է երկրում և աշխարհում շատ ավելի մեծ հարգանք է վայելել...
Ի՞նչ է նշանակում` բաժնի ղեկավարին աշխատանքից ազատել «հաստիքի կրճատման» հիմքով. ո՞ւմ եք ապուշի տեղ դն...
