Երեխայի հնարավոր շահագործման վերաբերյալ տեսանյութով ՆԳՆ-ն հաղորդում է ուղարկել Քննչական կոմիտե. Քննչականից դեռ ձայն-ձուն չկա

NEWSPRESS.am-ի հիմնադիր-տնօրեն Արիանա Հովսեփյանը ֆեյսբուքյան իր էջում տեղադրել է տեսանյութ և դիմել ՆԳ նախարար Արփինե Սարգսյանին, Քննչական կոմիտեի նախագահ Արթուր Պողոսյանին, Գլխավոր դատախազ Աննա Վարդապետյանին և ՄԻՊ Անահիտ Մանասյանին:

Արիանա Հովսեփյանը նշել է, որ տեսանյութն իրեն ուղարկել խնդիրը բարձրաձայնելու համար, քանի որ նա հանրային տիրույթում լայն լսարան ունի։

Ըստ փոխանցված տեղեկության՝ տեսանյութի կինը որդեգրել է նույն տեսանյութում երևացող երեխային: Տեղկությունների համաձայն, մանկատնից որդեգրված երեխային նա մանկապղծությամբ «օգտագործում է» որպես «եկամտի» աղբյուր:

Մասնավորապես` կինը երեխային ստիպում է նկարվել պոռնոգրաֆիկ տեսանյութերում, կատարում սեքսուալ բնույթի գործողություններ կամ նմանակում, տարածում դրանք, դրանից ստանում գումարներ:

Կինն Արաքսյա Մուրադյանն է, որը բնակվում է Նորագյուղում:

Լուրեր են պտտվում, որ երեխան միակը չէ, ով այս մանկապղծության շղթայի զոհն է:

Արձագանքելով հրապարակված տեսանյութին՝ ՆԳՆ խոսնակ Նարեկ Սարգսյանը հայտնել է, որ նախարարությունն ուսումնասիրել է հրապարակումը, և համապատասխան հաղորդումն արդեն ուղարկվել է ՀՀ Քննչական կոմիտե՝ իրավական ընթացակարգերն ապահովելու և ներկայացված հանգամանքները բազմակողմանի քննության առարկա դարձնելու նպատակով։

NEWSPRESS.am-ը փորձեց Քննչական կոմիտեյից տեղեկանալ, թե ինչ ընթացք են տվել գործին, սակայն Քննչականից այդպես էլ չարձագանքեցին:

NEWSPRESS.am-ը հետևողական կլինի՝ հարցին լուծում տալու գործում: