«Ժողովուրդ» օրաթերթը գրում է.
««Ժողովուրդ» օրաթերթը շարունակում է ուսումնասիրել համայնքների ղեկավարների գույքի, եկամուտների, ծախսերի և շահերի վերաբերյալ հայտարարագրերը և դրանք ներկայացնել հանրությանը։
Այս անգամ «Ժողովուրդ» օրաթերթի ուշադրության կենտրոնում է հայտնվել Սիսիանի համայնքի ղեկավար Հովսեփ Առաքելյանը։
Հովսեփ Առաքելյանը Սիսիանի համայնքի ղեկավարի պաշտոնը ստանձնել է 2024 թվականի հոկտեմբերի 27-ին։
Հայտարարագրի համաձայն՝ 2025 թվականի սկզբին Առաքելյանի անունով առկա է եղել երեք անշարժ գույք՝ Սյունիքի մարզի Սիսիան համայնքում բնակարան՝ բաժնային սեփականությամբ, Երևան քաղաքի Ավան վարչական շրջանում՝ համատեղ սեփականությամբ բնակարան, ինչպես նաև Սիսիանում գտնվող հողամաս, որը նրա միանձնյա սեփականությունն է։
Նշված գույքերը տարվա ընթացքում չեն փոփոխվել, իսկ նոր անշարժ գույքի ձեռքբերման կամ օտարման վերաբերյալ տվյալներ հայտարարագրում չկան։
Տրանսպորտային միջոցների մասով 2025 թվականի սկզբին համայնքի ղեկավարն ունեցել է երեք ավտոմեքենա՝ 2020 թվականի արտադրության Nissan, 2005 թվականի Opel և 1999 թվականի Mercedes-Benz։ Սակայն տարվա ընթացքում Opel-ը վաճառվել է։
Հայտարարագրում նշված է, որ 2005 թվականի Opel-ը դեկտեմբերի 26-ին վաճառվել է 3 մլն դրամով։ Տարվա վերջին նրա անունով մնացել են Nissan-ն ու Mercedes-Benz-ը։
Առաքելյանը հայտարարագրել է նաև ներդրում։ 2022 թվականին գնված «Այլ» տեսակի ներդրման արժեքը տարվա սկզբում կազմել է 60 հազար դրամ, իսկ տարվա վերջին՝ 68 հազար 440 դրամ։
Նրա դրամական միջոցները նույնպես փոփոխվել են։ Բանկային հաշվի մնացորդը տարվա սկզբում կազմել է 242 հազար 729 դրամ, իսկ տարվա վերջում՝ 21 հազար 786 դրամ։ Միաժամանակ կանխիկ դրամը 6 մլն դրամից հասել է 8 մլն դրամի։
Ինչ վերաբերում է եկամուտներին, Հովսեփ Առաքելյանը 2025 թվականին ընդհանուր հայտարարագրել է 11 մլն 497 հազար 633 դրամ եկամուտ։ Դրանցից 6 մլն 635 հազար 981 դրամը աշխատանքի վարձատրությունն է՝ Սիսիանի համայնքապետարանի աշխատակազմից, 3 մլն դրամը՝ ավտոմեքենայի վաճառքից ստացված եկամուտը, իսկ 1 մլն 861 հազար 652 դրամը՝ եկամտային հարկի վերադարձը։
Տարվա վերջում նրա վարկային պարտավորությունների ընդհանուր մնացորդը կազմել է 22 մլն 105 հազար 359 դրամ։ Այդ թվում՝ մեկ վարկի մայր գումարի մնացորդը կազմել է 194 հազար 790 դրամ, իսկ բնակարանի հետ կապված վարկինը՝ 21 մլն 910 հազար 569 դրամ։
2025 թվականին վարկերի մարմանն ուղղված վճարումները կազմել են 3 մլն 691 հազար 115 դրամ։
Հովսեփ Առաքելյանի ընտանիքի անդամների մասով հայտարարագրում նշված է նաև առևտրային գործունեություն։ Համատեղ բնակվող չափահաս անձ Հրաչ Առաքելյանի անունով «Առաքել» ընկերությունում առկա է 50 տոկոս մասնակցություն, իսկ Էլադա Իվանյանը ունի նույն ընկերության 50 տոկոս բաժնեմասը։ Հրաչ Առաքելյանը «Առաքել» ընկերության տնօրենն է։
Հայտարարագրում նշված է նաև, որ Հովսեփ Առաքելյանը «Քաղաքացիական պայմանագիր» կուսակցության անդամ է։
Բացի այդ, «Առաքել» ՍՊԸ-ն 2025 թվականին Ֆասթ Բանկ ՓԲԸ-ի հետ կնքել է 46 մլն 993 հազար 420 դրամ արժեքով շինարարական կապալի պայմանագիր՝ Սիսիան քաղաքի Սիսական փողոց թիվ 42 տարածքի վերակառուցման և վերանորոգման աշխատանքների համար։
Պայմանագիրը կնքվել է 2025 թվականի փետրվարի 26-ին, իսկ փաստացի վճարված գումարը նույնպես կազմել է 46 մլն 993 հազար 420 դրամ»։
Մանրամասները՝ «Ժողովուրդ» օրաթերթի այսօրվա համարում։
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Ահա եւ վերջ, ես հրաժարվեցի ՀՀ անձնագրից․ այլեւս երբեք Հայաստան չեմ գա. Նորատ Տեր-Գրիգորյանց
Գագիկ Ծառուկյանի՝ այլ ընդդիմադիր գործիչների հետ միասին, հետապնդման և ձերբակալության ենթարկվելը չպետք...
Սկանդալ դպրոցում. ծնողները վրդովված են. «Հրապարակ»
Թուրքիայում զանգվածաբար չեղարկում են Ռուսաստանի ուղղությամբ չվերթերը
Ո՞վ է իրականում շաքարավազի խոշոր ներկրող ներկայացող գործարարը և ո՞ւմ է պարտք հսկայական գումարներ. «Փ...
Կարծես 30.000 մարդու սրտի զարկի ձայնն էլ լսեի ու զգայի... Ես ու Դուք, ու թող փորձեն. Սիրուշո
