Երբ մշակութային ժառանգության նկատմամբ ոտնձգությունը հասնում է անգամ պատմական հիշողության ծաղրման ու պատմության վերաշարադրման մակարդակի. Արմինե Տիգրանյան
«Երբ մշակութային ժառանգության նկատմամբ ոտնձգությունը հասնում է անգամ պատմական հիշողության ծաղրման ու պատմության վերաշարադրման մակարդակի»,- նշել է մշակութաբան, ԵՊՀ դասախոս Արմինե Տիգրանյանը՝ անդրադառնալով Ադրբեջանի նախագահի արտաքին քաղաքականության հարցերով օգնական Հիքմեթ Հաջիևի և օտարերկրյա դիվանագետների այցին Գանձասարև Դադիվանք։
«Օրեր առաջ Ադրբեջանի նախագահի արտաքին քաղաքականության հարցերով օգնական Հիքմեթ Հաջիևը օտարերկրյա դիվանագետների այցի ընթացքում Գանձասարում և Դադիվանքում հայկական քրիստոնեական ժառանգությունը ներկայացրեց որպես «կովկասյան աղվանական» ժառանգություն։ Գանձասարում նա նաև ցուցադրեց ձեռագրերի դատարկ էջեր՝ փորձելով դրանք ներկայացնել որպես հայկական պատմության կեղծման ապացույց։ Մատենադարանի տնօրենը, սակայն, պարզաբանեց, որ ցուցադրված նյութերը բնագրեր չէին, այլ բարձրորակ ցուցադրական կրկնօրինակներ։
Այս տեսարանը ևս մեկ անգամ ցույց է տալիս, թե որքան կարևոր է փաստերի, փաստաթղթերի, արձանագրությունների, գիտական հետազոտությունների և մշակութային ժառանգության մասին միջազգային հանրությանը հասանելի փաստական խոսքի ներկայությունը։
Հենց այս համատեքստում ուզում եմ ներկայացնել իմ գիրքը՝ «Արցախի մշակութային ժառանգության ոչնչացման և յուրացման ադրբեջանական քաղաքականությունը 2020–2025 թվականներին»։
Գիրքը փաստագրում և վերլուծում է Ադրբեջանի կողմից Արցախի հայկական մշակութային ժառանգության նկատմամբ իրականացվող քաղաքականությունը՝ ոչնչացում, փոփոխում, վերանվանում, հայկական ինքնության հետքերի հեռացում և ժառանգության յուրացման փորձեր։
Եվ, ցավոք, վերջին օրերի իրադարձությունները դրա անհրաժեշտությունը դարձնում են առավել տեսանելի։
Գիրքը մայիսին ներկայացրել եմ Իտալիայի Պարմա քաղաքում՝ միջազգային մասնագիտական միջավայրում, և այն նաև փոխանցել եմ ՄԱԿ-ի մշակութային իրավունքների հարցերով հատուկ զեկուցող Ալեքսանդրա Քսանտակիին։
Պարմայում մեր քննարկման ընթացքում ներկայացրի նաև Ստեփանակերտի և այլ հայկական եկեղեցիների ոչնչացման խնդիրը` մարդու մշակույթի իրավունքի կոպիտ խախտման կոնտեքստում։ Այդ թեմայի վերաբերյալ խոստացել եմ պատրաստել առանձին փաստագրական զեկույց և ներկայացնել այն հատուկ զեկուցողին՝ միջազգային մարդու իրավունքների և մշակութային իրավունքների պաշտպանության համապատասխան մեխանիզմների շրջանակում։
Գիրքը կարող եք գնել Մայր Աթոռ Սուրբ Էջմիածնի գրախանութներից»,- գրել է Ա.Տիգրանյանը։
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
