Ասում են՝ Փաշինյանի արձանը ոսկուց չէ. չարժի՞ Փաշինյանի ոսկեձույլ արձանները տեղադրվեն. էդ մարդն էդքան բան է արել. Էդգար Ղազարյանը հեգնեց

«Ազգային ժողովի նախագահ Ռուբեն Ռուբինյանն երեկ անհանգստություն հայտնեց, որ Նիկոլ Փաշինյանի արձանները ոսկուց չեն պատրաստված։ Ճիշտ է ասում. Փաշինյանի մի քանի արձան կա Հայաստանում, ոսկուց չեն, էժան նյութից պատրաստված, գեղարվեստական արժեք էլ իրենցից չեն ներկայացնում»,- ԱԺ-ում ասաց «Ուժեղ Հայաստան» խմբակցության պատգամավոր Էդգար Ղազարյանը։ 

Այնուհետև նա հարցով դիմեց «Ուժեղ Հայաստան» խմբակցության պատգամավոր Ռուբեն Մխիթարյանին, որպես Տարածքային կառավարման և շրջակա միջավայրի պահպանության հարցերի մշտական հանձնաժողովի նախագահի թեկնածու. «Չարժի՞ արդյոք Նիկոլ Փաշինյանի ոսկեձույլ արձանները սուբվենցիոն ծրագրերի շրջանակներում տեղադրվեն Հայաստանի տարբեր քաղաքներում»։

Մխիթարյանն ասաց. «Ինչքանով տեղյակ եմ, կենդանության օրոք արձանները չեն դնում։ Ըստ իսկ, հերիք չէ նպատակահարմար չէ, հիմա նաև դա անելը նպատակահարմար չէ, էլի»։

Էդգար Ղազրյանը չնահաջեց: Նա  հեգնականտոնով ասաց.  «Էդ մարդը էդքանգործ է արել, անգամ Արցախում նրա օրոք օդանավակայաններ են կառուցվել, բա չարժե՞ մի արձան դնել»:

Ռուբեն Մխիթարյանն այս անգամ որոշեց կարճ պատասխանել. «Ոչ»,-ասաց նա: