Հայաստանում և հայկական սփյուռքում ռևանշիստական ուժերը դեռևս ուժեղ են և փորձում են խաթարել խաղաղության գործընթացը. Հաջիև

«Euronews» հեռուստաալիքը Դուբայում անցկացված Արաբական մեդիաֆորումի արդյունքներով նյութ է պատրաստել, որում Ադրբեջանի նախագահի օգնական, Ադրբեջանի նախագահի աշխատակազմի արտաքին քաղաքականության հարցերով բաժնի ղեկավար Հիքմեթ Հաջիևը պատմել է Բաքվի և Երևանի միջև խաղաղ գործընթացի մասին։

«Euronews»-ը մեջբերում է Հաջիևի խոսքերն այն մասին, որ Հայաստանի հետ խաղաղության հասնելը դժվար պայքար է:

Միաժամանակ նա ընդգծել է, որ Ադրբեջանը հավատարիմ է իր տարածքում քրիստոնեական ժառանգության պահպանմանը՝ նշելով, որ այն երկրի պատմության մի մասն է։

Նյութում նաև նշվում է, որ պաշտոնական Բաքուն նախազգուշացնում է. Հայաստանում և հայկական սփյուռքում ռևանշիստական ուժերը դեռևս ուժեղ են և փորձում են խաթարել նախկին հակառակորդների միջև պատմական խաղաղության գործընթացը։

«Այժմ մենք հաղթել ենք պատերազմում, բայց մենք հաղթում ենք նաև խաղաղ ժամանակ, իսկ դա հեշտ խնդիր չէ։ Ղարաբաղի և Արևելյան Զանգեզուրի օկուպացիայի բոլոր տարիների ընթացքում Հայաստանի կողմից ամբողջությամբ ոչնչացվել են մեր մզկիթները, մեր իսլամական մշակութային ժառանգությունը․ նույնիսկ խոզեր էին պահում մզկիթներում», — «Euronews»-ը մեջբերում է Ադրբեջանի նախագահի օգնականի խոսքերը։

Ինչպես հաղորդում է հեռուստաալիքը, ելույթի ընթացքում Հաջիևը նաև նշել է, որ, չնայած Ադրբեջանի՝ իսլամական քաղաքակրթությանը պատկանելուն, երկրում կողք կողքի գոյակցում են երեք կրոններ՝ իսլամը, քրիստոնեությունն ու հուդայականությունը, և գործում են մզկիթներ, եկեղեցիներ ու սինագոգներ։

«Ադրբեջանը հավատարիմ է իր ինքնիշխան տարածքում քրիստոնեական ժառանգության պահպանմանը, քանի որ դա մեր մշակութային ժառանգությունն է», — հայտարարել է Հաջիևը, որի խոսքերը մեջբերում է «Euronews»-ը։