Ինչու են Նիկոլ Փաշինյանի՝ ԱՄՆ այցից ակնկալվող արդյունքների շուրջ զգուշավոր իշխանական շրջանակներում․ «Ժողովուրդ»
«Ժողովուրդ» օրաթերթը գրում է.
«Նիկոլ Փաշինյանի՝ ԱՄՆ այցը իշխանական դաշտում թեև հրապարակավ ներկայացվում է որպես կարևոր դիվանագիտական գործընթաց, մինչդեռ «Ժողովուրդ» օրաթերթի աղբյուրները փոխանցում են, որ այցից ակնկալվող կոնկրետ արդյունքների շուրջ իշխանական շրջանակներում առայժմ զգուշավոր են։
Այցի ամենաուշագրավ դրվագներից մեկը սեպտեմբերի 23-ին Թուրքիայի նախագահ Ռեջեփ Թայիփ Էրդողանի հետ հանդիպումն էր՝ Նյու Յորքի «Թուրքական տանը»։ Հանդիպումն անցկացվել է փակ դռների հետևում, իսկ քննարկումների ամբողջական բովանդակությունը չի հրապարակվել։
«Ժողովուրդ»-ի աղբյուրների փոխանցմամբ՝ հենց այս հանդիպումն է իշխանական շրջանակներում դիտարկվում այցի կարևոր դրվագներից մեկը, սակայն առայժմ չկա հրապարակային տեղեկություն որևէ կոնկրետ պայմանավորվածության մասին՝ հայ-թուրքական սահմանի բացման, դիվանագիտական հարաբերությունների հաստատման կամ այլ գործնական քայլի վերաբերյալ։
Ուշագրավ է նաև ԱՄՆ նախագահ Դոնալդ Թրամփի գործոնը։ Փաշինյանը մասնակցել է Թրամփի անունից ՄԱԿ-ի Գլխավոր ասամբլեայի պատվիրակությունների ղեկավարների համար կազմակերպված ընդունելությանը։ Սակայն այս պահի դրությամբ պաշտոնապես հայտարարված չէ Փաշինյան-Թրամփ առանձին երկկողմ հանդիպման մասին։
«Ժողովուրդ»-ի իշխանական աղբյուրները նշում են, որ ԱՄՆ-ի հետ հարաբերությունների խորացման թեման իշխանության համար կարևոր քաղաքական ուղերձ է, սակայն այս այցի վերջնական արդյունքները գնահատելու համար սպասում են այցի ավարտին և հնարավոր նոր հանդիպումներին։
Նյու Յորքում Փաշինյանը մասնակցել է նաև «Կոնկորդիա» գագաթնաժողովին՝ խոսելով Հայաստանի և Ադրբեջանի միջև խաղաղության, տարածաշրջանային հաղորդակցությունների և TRIPP ծրագրի իրականացման մասին։
Այսպիսով՝ Փաշինյանի ԱՄՆ այցը դեռ ընթացքի մեջ է․ հանդիպումներ և հայտարարություններ կան, բայց Հայաստանի համար կոնկրետ նոր պայմանավորվածությունների մասին հրապարակային տեղեկությունները դեռ սահմանափակ են։
Ուստի գլխավոր հարցը մնում է բաց՝ սեպտեմբերի 25-ին Փաշինյանը Նյու Յորքից Երևան վերադառնալու է միայն հանդիպումների ու ելույթների՞, թե՞ Հայաստանի համար շոշափելի նոր պայմանավորվածությունների փաթեթով»։
Մանրամասները՝ «Ժողովուրդ» օրաթերթի այսօրվա համարում։
Շոու-բիզնեսով զբաղվողի ու իրական արտիստի սահմանը. արժեքներ, որոնք փողով չեն չափում
Դալար գյուղում ոստիկանը վրաերթի է ենթարկել կնոջն ու նրա 6-ամյա որդուն և դիմել փախուստի. գործը փորձու...
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Զnhված տղաների шրյшն հոտը վերցրել էր ողջ քաղաքը. 19.09.2023. հիշում է՝ արgախgի Նանար Պողոսյանը
Մահացել է Մակրոնի կնոջը տղամարդ անվանած լրագրողուհին
Հայաստանի բնակիչը հացադուլ է հայտարարել՝ Մոսկվայից պահանջելով վերադարձնել իր 3 երեխաներին
Կոռուպցիա՞, կամայականությո՞ւն, թե՞... ԿԳՄՍՆ-ն տեղյա՞կ է, որ Գեղարվեստի ազգային ակադեմիայում «մատից հ...
Տավուշում ոստիկանը մեքենայով բախվել է ձիուն և կողաշրջված հայտնվել այգում. նա տեղում մահացել է
Հայաստանի անկախությունը՝ Ադրբեջանի դրոշի գույների ներքո․ պատահականությո՞ւն, թե՞ քաղաքական ուղերձ (տե...
Հայրը հայտնել է, որ դասղեկն ու հոգեբանը բուլինգի են ենթարկում 8-ամյա որդուն, իսկ հոգեբանը, բռնելով ե...
