Բոլորս էլ հանցավոր ենք գերիների հարցում, որ բավարար աշխատանք չենք տարել. Հրայր Պալեան

«Բնականաբար չարտասանվեց այն, ինչը որ ակնկալվում էրկրի գործադիր մարմնի ղեկավարից, ով որ սահմանադրական պարտականություն ունի պաշտպանել սեփական քաղաքացիներին՝ ոչ միայն իր երկրի տարածքում, այլև այլ երկրների տարածքներւմ»-«Երեք տարի բանտում. խաղաղությունն ու հայ գերիները» խորագրով քննարկման ժամանակ ասաց միջազգային իրավունքի մասնագետ, ELL PARTNERSHIP ընկերության հիմնադիր գործընկեր Տարոն Սիմոնյանը՝ արձագանքելով Panorama.am-ի հորդորին՝ գնահատել ՄԱԿ-ի ամբիոնից գերիների մասով Նիկոլ Փաշինյանի ելույթը։

«Այդ շողոքորթումը, որ հորդում էր այդ ամբիոնից թշնամաբար տրամադրված պետության նկատմամբ, զարմանք է առաջացնում»,-հավելեց Սիմոնայնը։

Նա ասաց, որ չպետք է ուրախանալ այն դրվագի հնչեցմամբ, որում Փաշինյանը ցանկություն հայտնեց, որ վերադարձ պետք է տեղի ունենա։

«Թե մարդկային, թե միջպետական հարաբերություններում սեփական արժանապատվություն չգիտակցող, ո՛չ անհատ, ո՛չ պետություն, արժանի չէ այդ արժանապատվությանը»,-հավելեց Սիմոնյանը՝ շարունակելով.

 «Երբ պետությունն իրենից կախված ամեն ինչ չի անում իր շահերի պաշտպանության համար և հույսը դնում է որևէ պետության վրա, որ արդարության, կամ որևէ այլ բարի գիտակցումով իր շահերը կպաշտպանի՝  սա քաղաքական անչափահասության դրսևորում է»,- ասաց բանախոսը՝ փաստելով, որ հազարմյակների դիվանագիտության պատմությունը փաստում է, որ միջազգային հարաբերություններում նվերներ չկան։, պետք է պարտադրել քո շահերի պաշտպանությունը, ինչը կարող է ինչ-որ Փուլում շահավետ լինել երրորդ պետությունների համար, որ խոսեն նաև քո խոսափողով։

«Բոլորս էլ հանցավոր ենք գերիների հարցում, որ բավարար աշխատանք չենք տարել՝ լինի պետություն, թե ՀԿ կամ Սփյուռք»,- ասաց Խաղաղաշինության և հակամարտությունների կարգավորման մասնագետ Հրայր Պալեանը։

 Նա նշեց, որ գերիները պետք է լինեն մեր մտահոգության ամենօրյա առարկան։

Պալյանը ասաց, որ ոչ մնիայն առկա է իրական խաղաղությանը խոչընդոտող պատանդների հարցը, այլև  ադրբեջանական հայատյաց արտահայտությունները, «արևմտյան Ադրբեջան» խոսույթը, 240 ք/կմ սահմանային զավթված տարածքները և այդ ամենը գալիս են ադրբեջանական պաշտոնական շրջանակներից։

«Իրավունքների պաշտպանություն առանց սահմանների» ՀԿ ներկայացուցիչ, մարդասիրական հարցերով փորձագետ Աննա Մելիքյանն էլ հիշեցրեց, որ նախորդ տարի նույն այս օրերին Նիկոլ Փաշինյանը կրկին ելույթ էր ունենում ՄԱԿ-ի ամբիոնից և ավելի հիասթափեցնող ձևակերպում էր տվել։

«Ցավոք նշաձողն այնքան ենք իջացրել, որ այս խնդրով կես նախադասություն հիշատակելն արդեն մեզ ոգևորում է, թե հարցն օրակարգում է պահվում»,- ասաց Մելիքյանը՝ շեշտելով, որ այդպես չպետք է լինի։

Փորձագետը նշեց, որ բոլորը ողջունում են խաղաղության ձռքբերումը, մոռանալով միջազգային իրավունքի նորմերը, էթնիկ զտումները։

Նրա խոսքով՝ խաղաղության մասին հնարավոր չէ խոսել, քանի դեռ մարդասիրական խնդիրները չեն լուծվել՝ գերիների դվերադարձ չի ապահովվել և անհայտ կորածների ճակատագրերը չեն պարզվել։

«Գերի» եզրույթը չեզոք է, որպեսզի կարգավիճակն առանձնապես չշեշտադրվի, բայց քանի որ խոսողն իրավաբան չէր, որը պետք է կաշկանդված լիներ իրավունքով, այլ քաղաքական գործիչ էր, ապա այդ եզրույթի օգտագործումը թույլ էր տալիս Ադրբեջանին հերքել, որ պահվող անձինք ունեն ռազմագերու կարգավիճակ, կամ, կոնֆլիկտով պայմանավորված քաղաքացիական անձինք են, որ զրկվելեն ազատությունից»,- ասաց Մելիքյանը՝ նկատելով, որ վերջինս կարևոր է, որովհետև մեղադրանքների մեծ մասը բխում է ռազմական գործողութուններին մասնակցելուց և այդ հիմքով չպետք է անգամ դատվեին բաքվի բանտում գտնվողները։