Բելառուսի արտգործնախարարը հայտարարել է, որ Ֆրանսիան արգելափակել է իր ելույթը ՄԱԿ-ի ԱԽ-ում

Բելառուսի արտգործնախարար Մաքսիմ Ռիժենկովը հայտարարել է, որ ՄԱԿ-ի Անվտանգության խորհրդում ֆրանսիական նախագահությունը իրեն թույլ չի տվել ելույթ ունենալ Ուկրաինայի շուրջ իրավիճակի վերաբերյալ նիստում, հաղորդում է РИА Новости-ն։

Ըստ Ռիժենկովի՝ Մինսկը դիմել է իրեն խոսք տրամադրելու խնդրանքով, երբ հայտնի է դարձել նիստի անցկացման մասին։ Նա դա բացատրել է նրանով, որ Բելառուսն անմիջականորեն կրում է հակամարտության հետևանքները հումանիտար, տնտեսական և քաղաքական ոլորտներում։

«Մենք անմիջապես դիմեցինք առաջարկով, որպեսզի մեր ներկայացուցիչը, այսինքն՝ ես, նույնպես հանդես գա տեղի ունեցողի գնահատմամբ և հետագա գործողությունների վերաբերյալ իր առաջարկներով։ Սակայն, չնայած այն երկրների լայն շրջանակին, որոնց խոսք էր տրվել, ֆրանսիական նախագահությունն արգելեց մեզ մասնակցել»,- ասել է նախարարը РИА Новости-ին՝ ՄԱԿ-ի Գլխավոր ասամբլեայի շրջանակում։

Նիստը տեղի է ունեցել անցած շաբաթ՝ չորեքշաբթի։ Ռուսաստանը դրանում ներկայացնում էր արտգործնախարար Սերգեյ Լավրովը։ Սեպտեմբերին ՄԱԿ-ի Անվտանգության խորհրդում նախագահում էր Ֆրանսիան։

Ռիժենկովը նշել է, որ Ռուսաստանն աջակցում էր նիստին Բելառուսի մասնակցությանը։ Միևնույն ժամանակ, ըստ նրա, խոսք են ստացել մի շարք այլ երկրների, դրանց թվում՝ Իսպանիայի ներկայացուցիչներ։

«Ինչպե՞ս են նրանք տուժել այս հակամարտությունից, և ինչպե՞ս՝ մենք։ Ինչպե՞ս են նրանք հասկանում և տեսնում հակամարտությունը, և ինչպե՞ս ենք այն հասկանում ու տեսնում մենք։ Տարբերություն, չէ՞ որ, կա։ Նրանց խոսք տվեցին։ Մեզ խոսք չտվեցին»,- հայտարարել է Բելառուսի արտգործնախարարը։