Հայի կյանքի համար պայքարի խրամատը Արցախի լեռներն են, Հորադիզի դաշտերը

«Պետք է փոխել պետական, ռազմական դոկտրինան, հիմա պաշտպանողական է, անընդհատ պաշտպանվելով ու պատժելով չէ, պաշտպանությունը ժայռ է, բայց երբ ծովի ալիքները անընդհատ խփեն, կտոր-կտոր կորուստներ կունենանք, դա չպետք է թույլ տալ»,-newspress.am-ի հետ զրույցում ասաց Հատուկ նշանակության հետախույզների դիվիզիայի հիմնադիր, հրամանատար Վովա Վարդանովը՝ հավելելով, որ փոփոխությունը պիտի կատարվի ՀՀ-ի և ԼՂՀ-ի առաջին դեմքերի կողմից:

Վովա Վարդանովը նաև շեշտեց, որ մեր հույսն ու ուժը մեր ազգն է, մարտական բարձր պատրաստավածություն ունեցող զինվորները: Ըստ նրա այն, որ սահմանին ԵԿՄ անդամները և մյուս ազտամարտիկները զինվորների կողքին են, խոսում է մեր ժողովրդի մոբիլիզացիայի մասին, որը աշխարհը տեսավ. անկախ նրանից, թե հայը որտեղ է գտնվում, գիտակացում է` կյանքը պայքար է, խրամատը` ԼՂՀ լեռները, Հորդաիզի դաշտերը:

Պատասխանելով հարցին, թե արդյոք Բակո Սահակյանի հայտարարությունից հետո իրենք տեղեկություններ են ունեցել ադրբեջանցիների գործողությունների վերաբերյալ, կատարվածի ամբողջ պատասխանատվությունը չի ընկնում իշխանությունների վրա՝ Վովա Վարդանովը պատասխանեց, որ եթե լիակատար հետախուզական տվյալներ լինեին, նորմալ վերլուծություն արվեր, տեղի չէր ունենա այն, ինչ եղավ:
Ինչ վերաբերում է ՌԴ-ի պահվածքին, ապա ըստ նրա՝ հիմա Ռուսաստանը բավականին բարդ վիճակում է, ռազմավարական գործընկեր է համարվում, բայց նրան կողմից Ադրբեջանին վաճառված զենքը օգտագործվել է մեր դեմ: