ԻՏՁՄ-ն հայտարարում է մոբիլիզացիայի մասին. անհրաժեշտ են կամավորներ

Ապրիլյա չորսօրյա պատերազմը ցույց տվեց, որ տեղեկատվական տեխնոլոգիաները հնարավոր էր մեծապես օգտագործել պաշտպանության ոլորտում, որը արվել է ոչ լավագույն ձևով. հաճախ չինովնիկական նկրտումները ավելի վեր էին դասվել ազգային շահերից:

Հանրության մեջ «բիրդան աղա» դարձածները այս օրերին գտան, որ կարող են երկու կոնֆետ, կամ մեկ ամսվա աշխատավարձ փոխանցելով՝ լուծել այնպիսի խնդիրներ, որոնք մեծածավալ ֆինանսներ և ազգային մոտեցումներ են պահանջում:

Ինֆորմացիոն տեխնոլոգիաների ոլորտը տեսնելով, որ չեն ստանում պետության կողմից անհարժեշտ աջակցություն, որոշել են ինքնակազմավորվել՝ բանակին օգնելու նպատակով: Այդ առնչությամբ Ինֆորմացիոն տեխնոլոգիաների ձեռնարկությունների միության գործադիր տնօրեն Կարեն Վարդանյանը հայտարարություն է տարածել, որտեղ ասվում է.

«Հայ ադրբեջանական իրադարձությունները ստիպում են նորովի մոտեցումներ որդեգրել եղած և սպասվող մարտահրավերներին դիմագրավելու համար:
Ինֆորմացիոն տեխնոլոգիաների ձեռնարկությունների միությունը ՏՀՏ/ԲՏ ոլորտի մասնագիտական խմբեր է կազմել մոբիլիզացիոն ծրագիր հետևյալ ուղղություններով՝
1. Գաղտնագրված կապի միջոցներ
2. Անօդաչու թռչող սարքերի հայտնաբերում
3. Անօդաչու թռչող սարքերի չեզոքացում
4. Զորամիավորումների ավտոմատ ղեկավարման համակարգերի ներդրում
5. Ինֆորմացիոն հակազդեցություն/պատերազմ
6. Հարձակվողական զինատեսակների ստեղծում

Եթե ցանկություն ունեք կամավորական սկզբունքներով ընդգրկվելու այս խմբերից որևէ մեկում, խնդրում ենք գրել հետևյալ հասցեյով: [email protected] անպայման նշելով Ձեր մասնագիտական հմտությունները, կոնտակտային տվյալները և որ ամենակարևորն է, թե որ սեկցիայում եք ցանկանում ներդրում ունենալ:

Խնդրում եմ տեղկացնել եթե կարող եք տրամադրել
• Տարածքներ գրասենյակների և ժողովների համար,
• Ավտոմեքենաներ,
• Սարքավորումներ և այլ ռեսուրսներ

Այն անձանց կամ կազմակերպություններին, որոնք ցանկանում են ֆինանսական աջակցություն ցուցաբերել վերոհիշյալ գործընթացին, տեղեկացնում ենք, որ Ինֆորմացիոն տեխնոլոգիաների ձեռնարկությունների միությունը բացել է հատուկ հաշվեհամար, որին փոխանցված գումարներն կուղղվեն ռազմարդյունաբերական մշակումների նախատիպերի ստեղծմանը։

Կոնվերս Բանկ ՓԲԸ
ՀՀ դրամ 19300 52916980200
Փոխանցում կատարելու վերաբերյալ խնդրում եմ տեղեկացնել՝ նամակ հղելով [email protected]»: