Պաշտպանության նախարարը երկրորդ կինն ունի, ինձ էլ չի կարելի, հա՞. ազատամարտիկ. (տեսանյութ)

Էդուարդ Մովսիսյանն ու նրա 3 որդիներից 2-ը ազտամարտիկներ են: Նրանցից մեկը՝ Լևոն Մովսիսյանը 90-ականներին մասնակցելով ղարաբաղա-ադրբեջանական սահմանին սկսված պատերազմին, գլխից մի քանի անգամ վիրավորվել ու անառողջ տուն է վերադարձել: Իսկ մյուս որդին՝ Հրաչիկ Մովսիսյանը Արաբոյի ջոկատում մասնակցել է հայրենիքի համար մղվող պատերզմին ու այդ ջոկատի մյուս տղաների՝ 81 քաջարի զինվորիների հետ, անհայտ կորել:

Նրան գտնելու և վերադարձնելու հույսով հայրը՝ Էդուարդը, դիմել է տարբեր միջոցների: Պատմում է, որ մինչև իսկ թուրք զինվոր է բռնել ու որպես գերի պահել.

«Ուզում էի որդուս հետ փոխանակել, բայց լրիվ ապարդյուն»,- կսկիծով ասում է նա, ով այսօր որդու կորուստը սրտում, կենցաղային բազում այլ խնդիրների առաջ է կանգնել:

Ապրում է երկրոդ ամուսնությունից ծնված 27-ամյա որդու և հարսի հետ՝ Նոր-Նորքի երկրորդ զանգվածի Մոլդովական փողոցի հանրակացարաններում: Կենցաղային պայմաններն անմիխթար են. փոքրիկ մեկ սենյականոց, որի մի անկյունում հազիվ տեղ է գտել սանհանգույցը: Չկան ապրելու համար մինիմալ պայմաններ:

Էդուարդ Մովսիսյանը նկատում է, որ շուտով թոռնիկ է ունենալու, սակայն ապրում են միայն իր 35 000 դրամ կենսաթոշակի հույսին: Բանակից հիվադությամբ ետ եկած որդին փորձում է օգնել, սակայն շատ բան չի կարողանում անել:
«Լավ, թե վատ գործ է կպցնում մի քիչ յոլա ենք գնում, բայց չենք հասցնում ծախսերը փակել: Արդեն մեկ տարի է մոմի լույսի տակ ենք. գազ չունենք, լույս չունենք, սառնարան չունենք, հեռուստացույց չունենք: Իջնում եմ ներքև, ինձ ասում են, էս նորությունը լսեցի՞ր, ասում եմ հա բա ո՞նց չէ… ամաչում եմ ասեմ, որ հեռուստացույց չունեմ կամ լույս չունեմ»,-ասում է ազատամարտիկը:

Նա պատմում է, որ բնակարանի ձեռք բերման հույսով դիմել է տարբեր մարդկանց, անգամ նախագահին ու պաշտպանության նախարարին, սակայն հանդիպումներն արդյունք չեն տվել:

«Ինձ ասում են, դու երկրորդ անգամ ամուսնացել ես, հիմա մենք պետք ա բնակարանով ապահովե՞նք… ո՞նց կարելի ա հասկանալ էդ բառերը: Խի՞, մենակ ե՞ս եմ նման կարգավիճակում: Հենց պաշտպանության նախարարը էլի երկրորդ կին ունի: Բոլորին կարելի ա ինձ չի կարելի՞ , հա՞»,-նեղսրտում է ազատամարտիկը, ով սրտի խորքում հույս է փայփայում, որ իր և իր որդիների հայրենանվեր գործը չի անտեսվի և պետական այրերն ի վերջո իրենց էլ բնակարանով կապահովեն

Մանրամասները` տոսանյութում