Սամվել Ալեքսանյանը և Ծառուկյանը փողերը միանգամից հետ են բերում

2016թ. ապրիլին մարտի համեմատ հանրապետությունում արձանագրվել է հացամթերքի և հրուշակեղենի՝ համապատասխանաբար 0.1% և 0.2% գնաճ:
Ըստ մամուլում շրջանառվող լուրերի, հացամթերքի, մասնավորապես ալյուրի գնաճը կապված է Սամվել Ալեքսանյանի «հայրենասիրական» նկրտումների հետ:

Ապրիլյան օրերին գործարարը մի քանի ֆուռ ալյուր է ուղարկել Արցախ, փոխարենը թանկացրել է վաճառվող ալյուրը:

Հիշեցնենք, որ հենց Սամվել Ալեքսանյանն է որոշում Հայաստանում հացամթերքի գները, քանի որ նրա ընկերությանն է պատկանում ալյուրի ներկրման հիմնական մասը:

Հիշեցնենք, որ օգնության, կամ էժանացման ֆոնին միայն Սամվել Ալեքսանյանը չէ այդպես վարվել. տարիներ առաջ, երբ Գագիկ Ծառուկյանը մասնակցում էր խորհրդարանական ընտրություններին, պատգամավոր ընտրվելուց հետո ցեմենտի գները սկսեցին աստիճանաբար աճել:

Վերջերս էլ պարզվեց, որ Արարատի ցեմենտի գները Վրաստանում ավելի էժան են, քան Հայաստանում:

Այնպես, որ մեր գործարարները բարեգործություն հասկանում են, որ բարեգործության անունն իրենց, փողը՝ ժողովրդից:

Այժմ մնում է վախենալ, թե այն բոլոր գործարարները, ովքեր որևէ օգնություն կամ աջակցություն են ուղարկել Արցախ, Հայաստանում իրենց ապրանքների, ծառայությունների գները կթանկացնեն, որ չտուժեն: