ԱՄՆ դեսպանի ուշադրության կենտրոնում կոռուպցիայի դեմ պայքարն ու գործարար կապերն են

«ԱՄՆ գործարար ճեպազրույց. Հայաստան» համաժողովի բացմանը ելույթ ունեցավ Հայաստանում ԱՄՆ դեսպան Ռիչարդ Միլսը: Նա նշեց, որ իր առաջնահերթ խնդիրներից մեկն է խորացնել գործարար առևտրային հարաբերությունները:

«Հույս ունենք, որ կձևավորվեն գործնական հաջողություններ, մեր նպատակն է՝ անհրաժեշտ հիմքեր ձևավորել հայ գործարարներ և ամերիկյան բիզնես կապերի համար: Ամերիկյան բիզնեսը աշխատել է այս տարածաշրջանում և իրենք գիտեն, թե ինչ մարտահրավերներ կան: Կներկայացվեն հնարավորությունները, թե ինչ կարելի է անել, իսկ հետո հետ կքաշվենք, որ անեք այն, ինչ լավ է ստացվում ձեր մոտ, իսկ մենք ձեր կողքին կլինենք»,-ասաց նա և ողջունեց ամերիկյան ընկերությունների ներկայացուցիչներին, շնորհակալություն հայտնեց Հայաստանի նկատմամբ ունեցած հետաքրքրության համար:

«Գործարար կապերի ձևավորումից զատ իմ ուշադրության կենտրում եղել է կոռուպցիայի դեմ պայքարը։ Նախկին խորհրդային միության երկրներում տարածում ունի այն, և բիզնեսը պետք է իմանա այս մասին և աչքերը բաց պահի»,-ասաց նա և նշեց, որ կոռուպցիայի դեմ պայքարում Հայաստանում ունեն իրական գործընկերներ գործարար հատվածում, լրատվական դաշտում, կառավարությունում, ովքեր պատրաստ են պայքարել այս խնդրի դեմ և դեսպանությունն էլ պատրաստ է օգնել այդ հարցում: