Կանանց հաշվին էլ են փող աշխատում. ՎՊ

Վերահսկիչ պալատն իր հաշվետվության մեջ անդրադարձել է Ընտանեկան բռնության զոհ դարձած կանանց տրամադրվող ծառայությունների բարելավում դրամաշնորհային ծրագրին, որն իրականացրել է Աշխատանքի և սոցիալական հետազոտությունների ազգային ինստիտուտ ՊՈԱԿ-ը: Այդ նպատակով վերջինս ԱՄՆ Միջազգային զարգացման գործակալությունից ստացել է 24,311.0 հազ. դրամ:

Ծրագրի ակնկալվող արդյունքներն են.

ՀՀ տարածքում ընտանեկան բռնության ենթարկված կանանց տրամադրվող գույքագրված ծառայություններ:

Ընտանեկան բռնության ենթարկված կանանց պաշտպանության ու տրամադրվող ծառայությունների բարելավման և հզորացման նպատակով մշակված առաջարկությունների փաթեթ:

Ընտանեկան բռնության ենթարկված կանանց համար մշակված իրավական նորմեր և ուղղորդման կարգ:

ՎՊ-ն արձանագրվել են մի շարք խախտումներ և թերություններ, մասնավորապես.
Ծրագրի շրջանակներում գնումներն իրականացվել են Գնումների մասին ՀՀ օրենքի պահանջների խախտումներով:
Ծրագրի շրջանակներում հարցազրուցավարների, փորձագետների կողմից մատուցված ծառայությունների կատարման փաստը հիմնավորող փաստաթղթերը թերի են և մասնակի (պարզ չէ, թե յուրաքանչյուր անձ տվյալ ամսում քանի խորացված, փորձագիտական հարցազրույցներ է անցկացրել և քանի ֆոկուս խմբի է մասնակցել):

Վերահսկողության արդյունքների կապակցությամբ ՀՀ աշխատանքի և սոցիալական հարցերի նախարարությունը, ՀՀ Արագածոտնի և Կոտայքի մարզպետարանները Վերահսկիչ պալատին ներկայացրել են պաշտոնական գրություններ արձանագրված խախտումների վերացման, շտկման և վերադարձման ենթակա գումարների, ինչպես նաև հետագայում հնարավոր խախտումները բացառելուն ուղղված առաջարկությունների մասով տարվող աշխատանքների մասին:
Ընատնեկան բռնության ենթրակված կանայք, եթե կարող էին ստանալ բարոյակա, ֆիանանսկան, հոգեբանական աջակցություն, ևս մեկ անգամ ենթրակվել են բռնության, այս անգամ Աշխատանքի և սոցիալական հետազոտությունների ազգային ինստիտուտի ոկղմից, սակայն ինչպես երևում է պատասխան տվողներ չկան: Հաշվի չի առնվել, որ կանանց ևս մեկ անգամ խաբել են, իհարկե ծեծի և հոգեկան բռնության չեն ենարկել, սակայն խաբել են, իսկ դրա համար պատիժ չի սահմանվում: Կանանց կարող են բռոնւթյան ենթրակել ընտանիքում, դա ոչ միշտ է բռնարարը պատժի արժանանում, կարող են նրանց հաշվին փող աշխատել՝ օգնելու փոխարեն և պատասխան չտալ: Եթե ՎՊ-ն հույս ունի, որ վաղը ևս կանանց հաշվին փող չեն աշախտելու, առնվազն միամտություն է, միևնույն է պատիժ չի սահմանվում, իսկ ինչպես ասում են հանցանքը չպատժելը ծնում է նոր հանցանք: