Դավաճանությունը հելե իրանց ուտում ա. Կոռնիձորի Արո

«Էդ Հայաստանի ու Ղարաբաղի իշխանություններն են որոշել, որ երկրապահները սահմանից հետ գան, բայց ես հեչ լավ բան չեմ տեսնում, դրանից լավ հոտ չի գալիս»:

Անդրադառնալով երկրապահ կամավորների և ազատամարտիկների վերադարձին՝ newspress.am-ի հետ զրույցում ասաց Կոռնիձոր ջոկատի հիմնադիր հրամանատար Արա Խուդավերդյանը (Կոռնիձորի Արո) :

Նա նկատում է, որ 800 հա տարածքը ոչ թե անջրդի ու չոր տարածք է, ինչպես ներկայացնում են, այլ արյան գնով ձեռք բերված հող:

«Որոշ չոր գլուխների համար դրանք անջրդի հողեր են. թող ռադ լինեն իշխանությունից, իրանք են չոր ու ամայի ու չորացրեցին երկիրը: Հիմա էլ արյամբ ձեռք բերվածը՝ տարածքը, չոր ու ամայի են որակում… դավաճանությունը հելե իրանց ուտում ա, էլ պոզով-պոչով չի լինելում դավաճանությունը»,-վրդովված ասում է Արա Խուդավերդյանը:

«Ո՞նց կարելի ա էդ դուխը ջարդել»,-նեղսրտում է Կոռնիձորի Արոն ու սահմանում թշնամու առաջխաղցումը կանխարգելող տղերքի մասին խոսելիս ակնարկով նկատում է.

«У кого душа болит, у кого радикулит, բայց մեկ է՝ էլի տղերքը սահմանին կանգնած թշնամուն են ջարդում, իսկ իշխանությունը անջրդի հողերից է խոսում: Կամ էլ սեփական հետույքներն են ուզում պահել, բայց ո ՞ ւմից եք պահում: Թե ժողովրդից պահես՝ ուրիշին ես ալլահ-խաթա-բալա անելու»,-նեղսրտած ասում է Կոռնիձորի Արոն: