Ուորլիքը հստակեցնում է ԱԳ նախարարների հետ միջնորդների հանդիպումների օրերը
ԵԱՀԿ Մինսկի խմբի համանախագահները Հայաստանի արտգործնախարար Էդվարդ Նալբանդյանի հետ կհանդիպեն հունիսի 2-ին Փարիզում, իսկ Ադրբեջանի արտգործնախարար Էլմար Մամեդյարովի հետ՝ մայիսի 31-ին Բրյուսելում, ադրբեջանական APA գործակալությանը հայտնել է Մինսկի խմբի ամերիկացի համանախագահ Ջեյմս Ուորլիքը, գրում է azatutyun.am կայքը։
Մամեդյարովը երեկ ասել է, որ Վիեննայում տեղի ունեցած հանդիպումը բարենպաստ հնարավորություններ է ստեղծել համապարփակ և կոնկրետ արդյունքներ հետապնդող բանակցությունների համար՝ հիմնված փուլային կարգավորման տարբերակի վրա։
Բաքվում Մեծ Բրիտանիայի նորանշանակ դեսպան Քերոլ Քրոֆթսի հետ հանդիպման ժամանակ Ադրբեջանի արտգործնախարարն ասել է, թե ստատուս քվոյի փոփոխության և հակամարտության կարգավորման առաջընթացի համար հայկական զորքերը պետք է դուրս բերվեն «Ադրբեջանի օկուպացված տարածքներից»։
Հիշեցնենք, մայիսի 16-ին Վիեննայում հանդիպեցին Հայաստանի, Ադրբեջանի նախագահները և ԵԱՀԿ Մինսկի խմբի համանախագահ երկրների նախարարները՝ ԱՄՆ-ի պետքարտուղար Ջոն Քերրին, Ռուսաստանի արտգործնախարար Սերգել Լավրովը, Ֆրանսիայի եվրոպական հարցերով պետքարտուղար Արլեմ Դեզիրը, ինչպես նաև Մինսկի խմբի երեք համանախագահներն իրենք։ Հանդիպման արդյունքում միջնորդ երկրների արտգործնախարարների տարածած հայտարարությունում նշված էր հրադադարի ռեժիմը պահպանելու անհրաժեշտության մասին, սահմանային միջադեպերը վերահսկելու մեխանիզմներ ստեղծելու մասին, ինչպես նաև հաղորդվում էր, որ նախագահները համաձայնել են հաջորդ հանդիպումը անցկացնել հունիսին՝ նպատակ ունենալով վերսկսել բանակցությունները հակամարտության համակողմանի կարգավորման շուրջ։
Երեկ Ադրբեջանի արտգործնախարարության խոսնակ Հիքմեթ Հաջիևն ասել է, թե Ադրբեջանը պատրաստ է բանակցությունների։ Նա «Թրենդ»-ի հետ զրույցում նշել է, որ Վիեննայի հանդիպման առաջարկները միմյանց հետ փոխկապակցված են։ «Կրակի դադարեցման ռեժիմը պահպանելու նպատակը համապարփակ բանակցությունների համար հիմք ստեղծելն է, իսկ հակամարտության քաղաքական կարգավորման հիմնական մասը անընդունելի ստատուս քվոյի փոփոխությունն է և հայկական զինված ուժերի դուրսբերումը օկուպացված տարածքներից», – հայտարարել է Հաջիևը։
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Քո հեռախոսն այսուհետ հսկվելու է պետության կողմից․ ահա թե ինչպես
Ընդդիմությունը մանդատների հարցով որոշում ունի. «Հրապարակ»
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Սամվել Կարապետյանին «աջակցող» կուսակցությունում հիմնադիրների փախուստ է. Միհրան Պողոսյանի ձախողումը. ...
