Հիվանդ կարտոֆի՞ լ է ներկրվել Հայաստանը. ՍԱՊԾ-ն մերկապարանոց հերքում է

Ագրարագյուղացիական միավորման նախագահ Հրաչ Բերբերյանը նախօրեին, ասուլիսի ժամանակ հայտարարել էր, որ Ռուսաստանից ներկրված 500 տոննա պարենային կարտոֆիլը վաճառվել է սերմացուի տակ, բացի այդ՝ հայտնաբերվել է չորս հիվանդություն՝ միջուկային փտում, սևաոտիկ, թաց փտում և ֆիտոֆտորա հիվանդություններ:

Թեև արդեն ԳՆ ՍԱՊԾ Բուսասանիտարիայի տեսչության պետ Արթուր Նիկոյանը հերքել է հիվանդ կարտոֆիլի ներմուծումը Հայաստան: Նա հիշեցրել է, որ ներմուծման ժամանակ սահմանային հսկիչ կետերում բուսասանիտարական զննում է իրականացվում, բացի այդ Ֆիտոսանիտարական սերտիֆիկատը ՝ «Ռոսսելխոզնադզորի» կողմից է տրված:

Այսինքն եթե ներկրվող ապրանքն ունի համապատասխան ուղեկցող փաստաթուղթ, ապա այն կարող է բուսասանիտարական հսկողություն չանցնել, միայն հատուկ դեպքերում:

Այս դեպքում «Ռոսսելխոզնադզորն» է տվել սերտիֆիկատ, որը նշանակում է, որ կարտոֆիլը բուսասանիտարական հսկողություն չի անցել. կարգն է այդպիսին:

Իսկ արդյոք կարող էր «Ռոսսելխոզնադզորը» պարզապես, օգնության, կարգով սերտիֆիկատ տալ:

Հիշեցնենք, որ երբ վատացան Ռուսաստանի և Ուկրաինայի հարաբերությունները, ապա Ռուսաստանում ուկրաինական Ռոշեն ֆիրմայի կոնֆետներում «հայտնաբերեց» բենզապիրին և արգելվեց ՌԴ այս հրուշակեղենի մուտքը, առժամանակ անց, երբ փոխվեց քաղաքկանությունը, Ռոշենն արդեն մաքուր էր:

Այստեղ հարցը ոչ թե կարտոֆիլի հիվանդ էր, թե ոչ, այլ այն, թե ինչպես է բանջարեղենը Այս տարիներին, երբ արգելված էր թուրքական լոլիկի մուտքը Հայաստան, այն ներկրվում էր, և անցնում էր մաքսային կետերով և ոչինչ:

Պարզապես ոչ թե անհնար է հիվանդ կարտոֆիլի մուտքը Հայաստան, այլ հնարավոր է, որովհետև սերտիֆիկատը դեռ հիմք չէ, որ ապրանքի որակը համապատասխանում է սերտիֆիկատին, նաև սերտիֆիկատ ունեցող սննդամթերքը չի ստուգվում:

Սննդի անվտանգության պետական ծառայությունը պարզապես պաշտպանվում է, և երևի կառույցը տեղյակ էլ չէ Հրաչ Բերբերյանի մատնանշած կարտոֆւիլը հիվանդ է եղել, թե ոչ, կառույցը պարզապես իր գործն է անում՝ պարզապես հերքում է: