Ահաբեկչություն Թուրքիայում. ժամանակագրությունը, կազմակերպիչները, զոհերն ու վիրավորները

Հունիսի 28-ին Ստամբուլի Աթաթուրքի անվան օդանավակայանում երկու պայթյուն է որոտացել: Զոհվել է շուրջ 50 մարդ, վիրավորների թիվը հասել է 100-ի: Պայթյունների հետևում կանգնած են «Իսլամական պետության» ահաբեկիչները: Այդ մասին հայտնում է ՏԱՍՍ գործակալությունը:

Ինչպես են տեղի ունեցել պայթյունները

Հունիսի 28-ի ուշ երեկոյան ԶԼՄ-ներում տեղեկություն տարածվեց Թուրքիայի օդանակավայանում որոտացած երկու խոշոր պայթյունի մասին: Պայթյուններից հետո ականատեսները նկատել են զինված 4 անձի, ովքեր այդ տարածքից դիմել են փախուստի:
Հաղորդվել է, դրանից հետո օդանավակայանի կայանատեղիում լսվել են կրակոցներ:
Ավելի ուշ համացանցում հայտնվեց տեսանյութ, որում արձանագրված էր պայթյունի պահը:
Թուրքիայի իշխանությունները տեղի ունեցածը իբրև ահաբեկչություն են որակել:

Ով է կազմակերպել ահաբեկչություն

ԶԼՄ-ները հաղորդել են երկու մահապարտի մասին, ովքեր պայթեցրել են իրենց: Հաղորդվել է նաև, որ կա երրորդ ահաբեկիչը, ով կրակել է մարդկանց ուղղությամբ, ինչից հետո թաքնվել է օդանավակայանի տարածքում:
Ճշգրտված տեղեկություններով` ահաբեկչությունն իրականացրել են երեք ահաբեկիչ տերմինալի տարբեր հատվածներում: Հարձակում գործածներից մեկին, ով կրակոցներ է արձակել տերմինալում, վիրավորել է ոստիկանը, սակայն ահաբեկիչը հասցրել է պայթուցիկը գործի դնել:
Պայթյունի պատասխանատվությունն ստանձնել է «Իսլամական պետություն» ահաբեկչական խմբավորումը:

Ինչ է հայտնի զոհերի ու տուժածների մասին

Ահաբեկչության զոհերի տվյալները ճշտվում են: Վերջին տեղեկություններով` խոսքը շուրջ 50 զոհի և 147 վիրավորի մասին է:
Տուժաներին հիվանդանոց է տեղափոխում շտապօգնության 50 մեքենա:
«Ռոյթերսի» տեղեկություններով` զոհերի թվում օտարերկրացիներ կան: