Կնեսետը Հայոց ցեղասպանության բանաձևն ուղարկեց կրթության և մշակույթի հանձնաժողով. «Արմենպրես»

Իսրայելի Կնեսետը Հայոց ցեղասպանության բանաձևն ուղարկեց կրթության և մշակույթի հանձնաժողով. 120 պատգամավորից որոշմանը կողմ քվեարկեց 24-ը, դեմ քվեարկողներ չկան: Այս մասին «Արմենպրես»-ի հետ զրույցում տեղեկացրեց Իսրայելի Կնեսետի նախկին պատգամավոր, Իսրայել-Հայաստան միջխորհրդարանական բարեկամական խմբի հիմնադիր Ալեքսանդր Ցինկերը՝ նշելով, որ Հոլոքոստ վերապրած հրեա ժողովուրդը Ս արոյական իրավունք չունի անտեսելու այլ ազգի ողբերգությունը:

«Հատկանշական է, որ հայերի զանգվածային սպանդի փաստը Իսրայելը ինքնին ընդունում է, սակայն հրաժարվում է այն անվանել ցեղասպանություն: Իսրայելի կառավարության անդամների և հասարակական-քաղաքական մի քանի կառույցների ներկայացուցիչների նման վերաբերմունքի պատճառն, իմ կարծիքով, սեփական ողբերգության եզակիության ընկալման գործոնն է»,- ընդգծեց Ցինկերը:

Նրա խոսքով՝ Իսրայելի՝ Հայոց ցեղասպանության վերաբերյալ ունեցած դիրքորոշումը նաև կախված է երկրի վարած տարածաշրջանային քաղաքականությունից: «Նկատի ունեմ Թուրքիայի՝ Մերձավոր Արևելքում կարևոր մի մահմեդական պետության հետ ունեցած հարաբերությունները: Երկրի ներկայիս վարչապետ Բենիամին Նեթանյահուն անկեղծորեն հայտարարել էր, որ կան քաղաքականությունից, դիվանագիտությունից ավելի կարևոր բաներ, և ազգերի զանգվածային կոտորածները պատկանում են այս կատեգորիային: Ըստ երևույթին, իսրայելական քաղաքական գործիչները, գալով իշխանության, մ ոռանում են խոստումները՝ չնայած նրան, որ վերջին շրջանում Իսրայելում անցկացված բոլոր սոցիոլոգիական հարցումները ցույց են տալիս Հայոց ցեղասպանության ճանաչման հարցում իսրայելցիների աջակցությունը»,- ասաց Ցինկերը:

Մանրամասները` սկզբնաղբյուր կայքում