Թող Պուտինը որոշի Լեռնային Ղարաբաղի հարցը. Ժիրինովսկի
«Ռուսաստանն ու Թուրքիան, միավորելով իրենց առևտրական, տնտեսական և ռազմական ջանքերը, ունակ են լուծելու ղարաբաղյան հակամարտությունը, ինչպես նաև քրդական հարցը»,- նախօրեին ադրբեջանական «Լիդեր TV» հեռուստաալիքին տված հարցազրույցում ասել է ՌԼԴԿ առաջնորդ Վլադիմիր Ժիրինովսկին:
«Եթե Թուրքիան զարգացնի հարաբերությունները Ռուսաստանի հետ, ապա դա հավերժ է: Տնտեսական, ինչպես նաև առևտրական և արդյունաբերական առումներով` միայն պլյուսներ են, ոչ մի մինուս: Մենք հյուսիս ենք, նրանք` հարավ: Մենք պատրաստ ենք նրանցից ամեն ինչ վերցնել, այն, ինչ արտադրում է հարավային երկրի տնտեսությունը` ներառյալ ծովերն ու լողափերը և տալ այն ամենը, ինչ պետք է հյուսիսային երկրից, որը հանդիսանում է աշխարհի 10 ամենազարգացած երկրներից մեկը: Մեզ այսօր թուրքերն ավելի լավ են վերաբերվում, քան լեհերը, ֆինները և նույնիսկ քան Ուկրաինայում: Ոչ մի հակառուսական ակցիա Թուրքիայում գործնականում չի լինում: Մենք հետևություն ենք անում այն իրականությունից, որ Թուրքիայի մեծ թվով բնակիչներ շատ լավ են վերաբերվում Ռուսաստանին: Քանի որ նրանք առևտուր են անում, զբոսաշրջիկների են ընդունում, նրանք օգուտ են տեսնում Թուրքիայի հետ հարաբերություններում: Իսկ Սիրիան պատերազմ է: Եվրամիությունը նվաստացումներ, վիրավորանքներ ու քննադատություն է հղում Թուրքիայի հասցեին: Դրա համար Թուրքիան հիանալի առիթ ունի Ռուսաստանի հետ հարաբերությունները զարգացնելու համար»,- վստահ է քաղաքական գործիչը:
«Եթե Թուրքիան ու Ռուսաստանը միավորեն իրենց առևտրական, տնտեսական և ռազմական ջանքերը, ապա և′ քրդական, և′ հայկական հարցերն իրենք իրենց կվերանան: Եվ ինքն իրեն կվերանա Ղարաբաղյան հարցը, և Ադրբեջանը գոհ կլինի, այսինքն` ամբողջ Կովկասի և Մերձավոր Արևելքի հեռանկարները հիանալի կլինեն»,- նշել է Վլադիմիր Ժիրինովսկին:
Պատասխանելով այն հարցին, թե ինչպիսի լուծում է տեսնում ղարաբաղյան հարցի վերաբերյալ, ՌԼԴԿ առաջնորդն ընդգծել է. «Մենք այստեղ չենք կարող որոշել, թող դա Կրեմլը որոշի, մեր նախագահը: Բայց կարելի է ինչ-որ կարգավիճակ գտնել Լեռնային ղարաբաղի համար, որպեսզի և′ հայերը գոհ մնան, և′ ադրբեջանցիները: Այսինքն` գտնել այնպիսի տարբերակ, որ ոչ մեկը մյուսից պահանջներ չունենա, կախված չլինի մյուսից, ինչպես ասում են ազատ քաղաքական զոնա լինի: Լինի ազատ` ինչպես Կոնստանտինոպոլը կամ Դանցիգը: Գտնել այնպիսի տարբերակ, որ և գայլերը կուշտ մնան, և գառները` ողջ:
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Քո հեռախոսն այսուհետ հսկվելու է պետության կողմից․ ահա թե ինչպես
Ընդդիմությունը մանդատների հարցով որոշում ունի. «Հրապարակ»
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Սամվել Կարապետյանին «աջակցող» կուսակցությունում հիմնադիրների փախուստ է. Միհրան Պողոսյանի ձախողումը. ...
