Հայաստանը 800 հա զիջեց Իրան-Ադրբեջան երկաթուղու համա՞ր
Արդեն հայտնի է, որ Ադրբեջանի երկաթուղիներ կազմակերպությունն ավարտել է մինչև Իրանի սահման կառուցվող երկաթգծի աշխատանքների 85 տոկոսը, որը մաս է կազմում Հյուսիս-Հարավ տրանսպորտային միջանցքի, որը, իր հերթին, միացնելու է Հյուսիսային Եվրոպան Հարավ-Արևելյան Ասիայի հետ:
Նշենք, որ Ադրբեջանով անցնող որոշ հատվածներ գտնվում են բարդ տեղանքում, տարածքում աշխատում է 100 միավոր տեխնիկա:
Միաժամանակ շարունակվում է Աստարաչայ գետի վրա՝ Ադրբեջան-Իրան սահմանին երկաթուղային կամրջի կառուցումը՝ 82.5 մետր երկարությամբ. նախատեսվում է Աստարա-Իրան երկաթգծի հատվածը և կամուրջը շահագործման հանձնել 2016թ. վերջին:
Այս երկաթգիծը կմիավորի Իրանի, Ադրբեջանի և Ռուսաստանի երկաթգծերը: Նախատեսվում է նախ 5 մլն տոննա տեղափոխել, հետագայում 10 մլն տոննա բեռ:
Ադրբեջանը նաև կօգնի Իրանին Ռեշտ-Աստարա երկաթգծի հատվածի կառուցմանը. Ադրբեջանը համաձայնել է Իրանի համար վարկային գիծ բացել 500 մլն դոլարի՝ ֆինանսավորելու Ռեշտ-Աստարա երկաթգծի հատվածը:
Ղազվին-Ռեշտ-Աստարա երկաթգիծը ևս հանդիսանում է Հյուսիս-Հարավ տրանսպորտային միջանցքի հատվածը, որը Հյուսիսային Եվրոպան Ադրբեջանի միջոցով միացնելու է Հարավ-Արևելյան Ասիայի հետ:
Ռեշտ-Աստարա երկաթգծի կառուցման համար անհրաժեշտ է 1 մլրդ դոլար, որի կեսն Ադրբեջանը վարկի տեսքով տալիս է: Իրանն այժմ 92 տոկոսով ավարտել է Ղազվին-Ռեշտ հատվածի ինֆրակառուցվածքների կառուցումը: Իրանական Ղազվին-Ռեշտ հատվածը ևս պատրաստ կլինի 2016թ. վերջին:
Նշենք, որ օգոստոսի 8-ին Բաքվում տեղի է ունենալու Ռուսաստանի, Իրանի և Ադրբեջանի նախագահների հանդիպումը, որի ընթացքում քննարկվելու է նաև Հյուսիս-Հարավ տրանսպորտային միջանցքի խնդիրը:
Հավելենք, որ այս ծրագրի իրագործումով Ադրբեջանի տրանսպորտային կշիռն ինչպես Իրանի, այնպես էլ Ռուսաստանի համար, կբարձրանա: Իսկ թե ինչ տեղի կունենա Իրան-Հայաստան երկաթուղու հետ, խնդիրը բարդ է: Թեև իրանական կողմից նոտաներ են հնչում, որ այդ ծրագիրը կշարունակվի, սակայն մինչ այժմ ռեալ է այն, որ մինչև տարեվերջ պատրաստ կլինի Իրան, Ադրբեջան, Ռուսաստան երկաթուղին: Իսկ Հայաստանը, ինչպես ասում են, էշի ականջում նիրհել է:
Ի դեպ, ապրիլյան պատերազմի ժամանակ, երբ, ըստ պաշտոնական աղբյուրների 800 հա հող զիջեցինք, դեռ այն ժամանակ շրջանառվում էր այն տեսակետը, որ այդ տարածքը պետք է Իրանի-Ադրբեջան-Ռուսաստան երկաթգիծը գործարկելու համար:
Երեք ամիս անց կրկին սկսվեց շրջանառվել հայկական կողմից հողերի զիջման մասին, անգամ Հանրապետական պատգամավոր Լեռնիկ Ալեքսանյանը բացեիբաց հայտարարեց, որ լավագույն ելքը փոխզիջումն է:
Իսկ թե ինչ է ստանալու Հայաստանը զիջման դիմաց՝ Հանրապետական պատգամավորը պատասխան չուներ: Հավանաբար 800 հա հողատարածքը երկաթգծի լիարժեք գործարկման համար բավարար տարածք չէ և ահա թե ինչու կրկին շրջանառվում է հողեր հանձնելու հարցը:
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Քո հեռախոսն այսուհետ հսկվելու է պետության կողմից․ ահա թե ինչպես
Ընդդիմությունը մանդատների հարցով որոշում ունի. «Հրապարակ»
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Սամվել Կարապետյանին «աջակցող» կուսակցությունում հիմնադիրների փախուստ է. Միհրան Պողոսյանի ձախողումը. ...
