Դատապարտում ենք Ազգային ժողովի աններելի և անթույլատրելի անգործությունը. հայտարարություն

Վերջին օրերին հանրապետությունում, հատկապես Երևան քաղաքում, ստեղծվել է ծայրահեղ լարված և անկանխատեսելի հետևանքներով հղի պայթյունավտանգ իրավիճակ՝ պայմանավորված ս.թ. հուլիսի 17-ին «Սասնա ծռեր» խմբի կողմից ՀՀ ոստիկանության պարեկապահակային ծառայության (ՊՊԾ) գնդի վրա իրականացված զինված հարձակման և դրան հաջորդած իրադարձություններով:

Հազարավոր քաղաքացիներ դուրս եկան փողոց՝ սատարելու «Սասնա ծռեր» խմբին և նրանց պահանջները, քանի որ երկրում տիրող համակարգային կոռուպցիան, սոցիալական անարդարութունը, ընտրանքային արդարադատությունը, անկասելի արտագաղթը և շարունակ կեղծվող ընտրությունները պատրանք են դարձրել դրական փոփոխություններ ակնկալելու բոլոր հույսերը: ՀՀ ոստիկանությունը կիրառել է անհամաչափ ուժ և բռնություն, ինչի արդյունքում քաղաքացիների խաղաղ ինքնաբուխ հավաքները դաժանորեն ցրվել են, հարյուրավոր մարդին բերման են ենթարկվել և շինծու մեղադրանքներ են առաջադրվել առավել ակտիվ քաղաքացիներին:

Լարվածությունը գնալով շիկանում է, մինչդեռ երկրի նախագահը արդեն տասնմեկերորդ օրն է` որևէ ուղերձով չի դիմել ժողովրդին, իսկ Ազգային ժողովը և նրա ազգընտիր պատգամավորները վայելում են իրենց ամառային հանգիստը:

Սույնով մենք՝ քաղաքացիական հասարակության ներքոստորագրյալ կազմակերպություններս, դատապարտում ենք Ազգային ժողովի աններելի և անթույլատրելի անգործությունը և կոչ ենք անում նրան օգտվել արտահերթ նիստ հրավիրելու իր սահմանադրական իրավունքից՝ Ազգային ժողովի արտահերթ նիստում ստեղծված իրավիճակը քննարկելու և լուծումների խաղաղ ուղիներ գտնելու նպատակով:

Եկել է իրական պահը ցույց տալու, որ Ազգային Ժողովը իրապես ներկայացուցչական մարմին է և հիմնավորելու, որ կառավարման խորհրդարանական համակարգը ամենաարդյունավետն է ճգնաժամերի հաղթահարման համար:

«Արազա» ԲՀԿ

Բաց հասարակության հիմնադրամներ – Հայաստան

Գլոբալիզացիայի և տարածաշրջանային համագործակցության վերլուծական կենտրոն

Գյումրու առաջընթաց ՔՀԶԿ

Գորիսի մամուլի ակումբ

Եվրասիա համագործակցության հիմնադրամ

Երևանի մամուլի ակումբ

ԷկոԼուր ՀԿ

Ընդդեմ իրավական կամայականության

ՀԿ Թրանփարենսի Ինթերնեշնլ հակակոռուպցիոն կենտրոն ՀԿ

Իրավունքի Եվրոպա միավորում ՀԿ

Ժողովրդավարություն այսօր ՀԿ

Լրագրողներ Հանուն Մարդու Իրավունքների ՀԿ

Խաղաղության երկխոսություն ՀԿ

Խոսքի ազատության պաշտպանության կոմիտե

«Խորան Արդ» ինտելեկտուալ ՀԿ

Կանանց աջակցման կենտրոն

Հանրային տեղեկատվություն և գիտելիքի կարիք ՀԿ

Համագործակցություն հանուն ժողովրդավարության ՀԿ

Հելսինկյան քաղաքացիական ասամլեայի Վանաձորի գրասենյակ

Հայկական սահմանադրական իրավապաշտպան կենտրոն (ՀՍԻԿ)

Հայ Առաջադեմ Երիտասարդություն ՀԿ

Մեդիա Նախաձեռնությունների Կենտրոն

Նոր Սերունդ Մարդասիրական ՀԿ

Սպիտակի հելսինկյան խումբ ՀԿ

«Վստահություն» առողջապահական ՀԿ

«ՏՐՏՈՒ» մշակութային ՀԿ

«Ուրբան» կայուն զարգացման հիմնադրամ

Փոքր և միջին բիզնեսի հիմնադրամ ՀԿ

Քաղաքական և միջազգային հետազոտությունների հայկական կենտրոն

Transparency.am